تۋىندى «تۇرمىستىق زورلىق-زومبىلىق قۇرباندارىنا كومەك كورسەتۋ» جوباسى اياسىندا شىعارىلعان.
كىتاپ 5 مىڭ دانامەن شىعارىلىپ، مەكتەپ وقۋشىلارىنا تەگىن تاراتىلادى، دەپ حابارلايدى Almaty-akshamy.kz.
بەيرەسمي ستاتيستيكاعا سۇيەنسەك، ەلدە ءار ءۇشىنشى بالا پسيحولوگيالىق، سەكسۋالدىق، تۇرمىستىق زورلىق-زومبىلىققا ۇشىرايدى. وسى ورايدا اتالمىش نۇسقاۋلىق ءوزىن-وزى قورعاۋعا ارنالعان تاپتىرماس ادىستەمەلىك قۇرال بولماق.
«بۇل كىتاپ - قازاقستاندا العاش شىققان كىتاپتاردىڭ ءبىرى. ءبىراق، ماسەلە وتە وزەكتى. ايتقانىمداي، قازاقستانداعى ءاربىر ءۇشىنشى بالا تۇرمىستىق زورلىق-زومبىلىققا ۇشىرايدى. سوندىقتان مەنىڭ قازاقستاندىق اۆتورلارعا ايتار كەڭەسىم - وسىنداي ماسەلەگە كوڭىل ءبولىپ، وسىندايلاردى كوبىرەك شىعارسا، قوعامعا كومەكتەسە الامىز دەپ ويلايمىن»، - دەيدى ۇيىمداستىرۋشى سالتانات ماۋسەيىتوۆا.