الماتىدا مەملەكەتتىك ءتىلدىڭ قولدانىلۋى جايلى رەسپۋبليكالىق كونفەرەنسيا وتەدى

احمەت بايتۇرسىن ۇلىنىڭ 12 تومدىق شىعارمالار جيناعىنىڭ تۇساۋكەسەرى وتەدى

جەلتوقساننىڭ 9 كۇنى عىلىم ورداسىندا «مەملەكەتتىك ءتىلدىڭ زەرتتەلۋى، وقىتىلۋى جانە قولدانىلۋى»  اتتى رەسپۋبليكالىق عىلىمي-پراكتيكالىق كونفەرەنسيا وتەدى، ، دەپ حابارلايدى Almaty-akshamy.kz.

مەملەكەتتىك ءتىلدىڭ قوعامدىق تۇراقتىلىقتى ساقتاۋداعى ماڭىزى جانە  قازاق ءتىلىن ۇلتارالىق قارىم-قاتىناس تىلىنە اينالدىرۋداعى اتقاراتىن ءرولى زور. 

وسىعان وراي «مەملەكەتتىك ءتىلدىڭ زەرتتەلۋى، وقىتىلۋى جانە قولدانىلۋى» اتتى رەسپۋبليكالىق عىلىمي-پراكتيكالىق كونفەرەنسيا وتەدى. كونفەرەنسيانىڭ مودەراتورى قازاقستان رەسپۋبليكاسىنىڭ مادەنيەت جانە قوعام قايراتكەرى، ءتىل جاناشىرى ورازكۇل اسانعازى. 

كونفەرەنسيا بارىسىندا  ءتىل ساياساتى جانە قازاق ءتىلىنىڭ قوعامداعى ءورىسى، قازاق ءتىلىن وقىتۋدىڭ جۇيەسى، لاتىن قارپىنە كوشۋدىڭ قيىندىقتارى، ونى شەشۋ جولدارى، مەكتەپكە دەيىنگى تاربيە جانە باستاۋىش ءبىلىم سىندى تاقىرىپتار تالقىلانادى. 

سونىمەن قاتار، ۇلت ۇستازى – احمەت بايتۇرسىن ۇلىنىڭ 12 تومدىق شىعارمالار جيناعىنىڭ تۇساۋكەسەرى وتەدى.

كونفەرەنسياعا قازاقستان عالىمدار وداعىنىڭ پرەزيدەنتى، ەكونوميكا عىلىمدارىنىڭ دوكتورى، اكادەميك ورازالى سابدەن، جازۋشى بەكسۇلتان نۇرجەكەيەۆ، بايىنقول قالييەۆ، داڭداي ىسقاق، ءومىرحان ءابدىمان ۇلى باستاعان فيلولوگيا عىلىمدارىنىڭ دوكتورلارى، پروفەسسورلار جانە وزگە دە  عالىمدار، قازاق ءتىل تانۋشى عالىمدار، عىلىمي-زەرتتەۋ ينستيتۋتتارىنىڭ عىلىمي قىزمەتكەرلەرى، زيالى قاۋىم جانە ب ا ق وكىلدەرى قاتىسادى.