الماتى پوليسيا دەپارتامەنتىنىڭ قىزمەتكەرلەرى كەپتەلىستە ءيتىن كولىككە بايلاپ «جۇرگىزگەن» كولىك جۇرگىزۋشىسىن تاۋىپ، ايىپپۇل سالدى.
اتالعان فاكت بويىنشا 1988 جىلى تۋعان ازامات 10 اەك (30 630 تەڭگە) كولەمىندە ايىپپۇل تۇرىندەگى اكىمشىلىك جاۋاپكەرشىلىككە تارتىلدى، دەپ حابارلايدى Almaty-akshamy.kz.
اتاپ ايتقاندا، جۇرگىزۋشىگە قازاقستان رەسپۋبليكاسىنىڭ جانۋارلاردى جاۋاپكەرشىلىكپەن ۇستاۋ، ونىڭ ىشىندە ءۇي جانۋارلارىن ۇستاۋ جانە سەرۋەندەتۋ سالاسىنداعى زاڭناماسىن بۇزعانى ءۇشىن ايىپپۇل سالىندى.
جەلتوقساننىڭ 8ء-ى كۇنى الەۋمەتتىك جەلىدە قالا تۇرعىنى كولىك كوپ جۇرەتىن كوشەدە (رىسقۇلوۆ داڭعىلى) ۇلكەن ءيتتى كولىككە بايلاپ جۇرگەنى تۇسىرىلگەن ۆيدەو تاراعان بولاتىن.
ۆيدەودا يت يەسىنىڭ ءجۇرىپ كەلە جاتقان كولىگىنىڭ قاسىندا ءجۇرىپ، باسقا كولىكتەرگە قولايسىزدىق تۋدىرعانىن كورۋگە بولادى. بۇل رەتتە جولداعى كەپتەلىسكە بايلانىستى كولىكتەردىڭ قوزعالىسى قيىندادى.