كۇدىكتى ءوز قىزمەتىن 150 مىڭ تەڭگەگە باعالاعان
جۇرگىزۋشى كۋالىگىن الىپ بەرەمىن دەپ الماتى تۇرعىندارىن الداعان كۇدىكتى ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
بوستاندىق اۋدانىنىڭ پوليسەيلەرى تاعى ءبىر جۇرگىزۋشى كۋالىگىن “الىپ بەرۋشىنى” ۇستادى.
– تەرگەۋدىڭ وسى كەزەڭىندە 26 جاستاعى ج.ەسىمدى ازامات كەم دەگەندە شاھاردىڭ التى تۇرعىنىن الدادى دەگەن كۇدىككە ءىلىندى. جابىرلەنۋشىلەردىڭ ايتۋىنشا، كۇدىكتى ءوزىن حقكو قىزمەتكەرىمىن دەپ تانىستىرىپ، جۇرگىزۋشى كۋالىگىن الۋعا كومەكتەسۋدى ۇسىنعان. كۇدىكتى ءوز قىزمەتىن 150 مىڭ تەڭگەگە باعالاعان. جەدەل شارالار جۇرگىزىلدى. كۇدىكتى ۇستالدى. قىلمىستىق ءىس ق ر قك-نىڭ 190-بابى (الاياقتىق) بويىنشا تىركەلدى، – دەدى بوستاندىق اۋداندىق پوليسيا باسقارماسىنىڭ باستىعى ماقسات قاناپيايەۆ.
پوليسيا الدانعانداردىڭ كوپ بولۋى مۇمكىن ەكەندىگىن جوققا شىعارمايدى. كۇدىكتىنىڭ قىلمىستىق ارەكەتىنەن زارداپ شەككەن ازاماتتاردى ءتارتىپ ساقشىلارى مىنا تەلەفون نومىرلەرى بويىنشا حابارلاسۋلارىن سۇرايدى: 8-702-160-06-34.