الماتىدا «مەملەكەتتىك قىزمەتتەردى الۋ جولدارى» ءتۇسىندىرىلدى

اشىق ەسىك كۇنى

الماتى قالاسى اۋەزوۆ اۋدانى اكىمى اپپاراتىنىڭ عيماراتىندا «حالىق ۇنىنە قۇلاق اساتىن مەملەكەت» تۇجىرىمداماسى اياسىندا مەملەكەتتىك قىزمەت دەپارتامەنتىنىڭ قولداۋىمەن اشىق ەسىك كۇنى ءوتتى، دەپ حابارلايدى Almaty-akshamy.kz. 
ءىس-شارانىڭ ماقساتى – اپپاراتتىڭ بولىمدەرى كورسەتەتىن مەملەكەتتىك قىزمەتتى قولدانۋ ءتارتىبىن ءتۇسىندىرۋ. ازاماتتاردى قابىلداۋ ناتيجەسى بويىنشا 23 كەلۋشىگە نۇسقاۋ بەرىلگەن. ايتا كەتەيىك، اۋەزوۆ اۋدانىنان باستاۋ العان بۇل ءۇردىس كەلەسى بەيسەنبىدە الاتاۋ اۋدانىندا جالعاسادى. 

«ءبىز اپتانىڭ ءار بەيسەنبى كۇندەرىندە قالامىزدىڭ 8 اۋدانىندا وسىنداي ءتۇسىندىرۋ جۇمىستارىن جۇرگىزىلۋدە. قىزمەت العان تۇرعىندار بۇگىندە ءوز ماسەلەلەرىن شەشىپ جاتىر. قولىمىزدان كەلگەنشە حالىقتىڭ  سۇراقتارىنا قۇلاق اسىپ، ۇسىنىس، باعىت-باعدار بەرىپ جاتىرمىز. ءتۇسىندىرۋ جۇمىستارىنا بەلسەنە اتسالىسقان تۇرعىندار مەن قىزمەتكەرلەرگە العىسىمدى بىلدىرەمىن»، – دەيدى مەملەكەتتىك قىزمەت ىستەرى اگەنتتىگىنىڭ الماتى قالاسى بويىنشا دەپارتامەنت وكىلى ماقسات جاڭبىرشييەۆ.

ەستەرىڭىزگە سالا كەتەيىك، اۋەزوۆ اۋدانىنىڭ اكىمدىگى الەۋمەتتىك سالا، سپورت جانە ازاماتتىق، حالىق اكتىلەرى سالاسىنىڭ بولىمدەرى بويىنشا مەملەكەتتىك قىزمەتتىڭ 11 ءتۇرىن كورسەتەدى. سونداي-اق، مەملەكەتتىك قىزمەتتەر «ەلەكتروندىق ۇكىمەت» پورتالى نەمەسە «ازاماتتارعا ارنالعان ۇكىمەت «مەملەكەتتىك كورپوراسياسى» كە اق فيليالى ارقىلى قالا تۇرعىندارىنىڭ قولايلىلىعى مەن جايلىلىعىن ارتتىرۋ ماقساتىندا ەلەكتروندىق فورماتتا كورسەتىلەدى.
18 تامىزداعى جاعداي بويىنشا اعىمداعى جىلى اۋەزوۆ اۋدانى اكىمىنىڭ اپپاراتى حالىققا 17 049 مەملەكەتتىك قىزمەت كورسەتكەن.