الماتى قالاسىندا مەملەكەتتىك قىزمەتتەر جارمەڭكەسى ۇيىمداستىرىلىپ، مىڭنان استام قالا تۇرعىنى مامانداردان كەڭەس الدى.
بۇل ءىس-شارانى مەدەۋ اۋدانىنىڭ اكىمدىگى مەن ق ر مەملەكەتتىك قىزمەت ىستەرى اگەنتتىگى ۇيىمداستىردى، دەپ حابارلايدى aqshamnews.kz.
جارمەڭكە مەگاپوليس تۇرعىندارىنا ءبىر الاڭدا ءتۇرلى مەملەكەتتىك قىزمەتتەر تۋرالى اقپارات الۋعا مۇمكىندىك بەردى.
ءىس-شارانىڭ وتەتىن ورنى كەزدەيسوق تاڭدالعان جوق. كوك بازار – قالاداعى ەڭ كوپ باراتىن ورىنداردىڭ ءبىرى، ال بىزگە مۇمكىندىگىنشە كوپ ادامدى اقپاراتتاندىرۋ ماڭىزدى بولدى. مامانداردىڭ حالىقپەن كەزدەسۋى مەملەكەتتىك قىزمەت ىستەرى اگەنتتىگىنىڭ باستاماسىمەن ۇيىمداستىرىلدى. جارمەڭكەگە 30 مەملەكەتتىك ورگان قاتىسىپ وتىر.
"جالپى، اكيماتقا قالا تۇرعىندارى ءتۇرلى ماسەلەلەر بويىنشا ءجيى جۇگىنەدى: مۇلىكتى زاڭداستىرۋ جانە راسىمدەۋ، الەۋمەتتىك قىزمەتتەر الۋ. كوممۋنالدىق قىزمەتتەر بويىنشا دا ءبىرقاتار سۇراقتار بار، سوندىقتان ءبىز ءىس-شاراعا «الماتى سۋ» مكك وكىلدەرىن شاقىردىق. ءبىزدىڭ اۋداننىڭ تۇرعىندارى ۋاقتىلى اقپارات الىپ، ساپالى مەملەكەتتىك قىزمەتتەر الۋى ماڭىزدى. مەدەۋ اۋدانىندا شامامەن 230 مىڭ ادام تۇرادى، ونىڭ ىشىندە شامامەن 30 مىڭ زەينەتكەر، 3 مىڭعا جۋىق مۇگەدەك، شامامەن 2،5 مىڭ كوپبالالى انا بار"، – دەدى مەدەۋ اۋدانى اكىمىنىڭ ورىنباسارى ايدوس نۇرلىبايەۆ.
ءىس-شاراعا حقكو، احات، الەۋمەتتىك قامسىزداندىرۋ ءبولىمى، الماتىنىڭ مانساپ ورتالىعى جانە باسقا دا مەكەمەلەردىڭ وكىلدەرى قاتىستى.
الماتىلىق سالتانات جانالييەۆا مەكتەپ جانە تۇرعىن ءۇي بەرۋ ماسەلەلەرى بويىنشا ءبىرقاتار سۇراقتارعا جاۋاپ الدى.
- بىلىكتى مامانداردان تولىق كەڭەس الدىم، جاۋاپتارعا ريزامىن. بارلىعى تۇسىنىكتى، راحمەت. مۇنداي ءىس-شارالار حالىق ءۇشىن پايدالى دەپ ەسەپتەيمىن، اسىرەسە ۋاقىت ۇنەمدەۋ تۇرعىسىنان ءتيىمدى. ءقازىر ءبىر جەردە بىرنەشە مەملەكەتتىك ورگان شوعىرلانعان، سونىڭ ارقاسىندا ءوز ماسەلەلەرىمدى ءبىر ساعاتقا جەتپەيتىن ۋاقىتتا شەشىپ الدىم، ال مەملەكەتتىك مەكەمەلەردى جەكە-جەكە ارالاۋ ءبىر كۇنگە سوزىلادى، – دەپ ءبولىستى ءوز پىكىرىن تۇرعىن.
مەملەكەتتىك قىزمەت ىستەرى اگەنتتىگى دەپارتامەنتىنىڭ مەملەكەتتىك قىزمەتتەردى باسقارۋ باسقارماسىنىڭ باسشىسى ماقسات جاڭبىرشييەۆ حالىقپەن كەزدەسۋ «ەستۋشى مەملەكەت» تۇجىرىمداماسىن ىسكە اسىرۋ اياسىندا وتكىزىلىپ جاتقانىن اتاپ ءوتتى.
ايتا كەتەيىك، بۇل بيىلعى جىلى وتكىزىلگەن التىنشى مەملەكەتتىك قىزمەتتەر جارمەڭكەسى. ۇيىمداستىرۋشىلاردىڭ ايتۋىنشا، قالانىڭ ءارتۇرلى اۋداندارىندا وسىنداي تاعى ەكى ءىس-شارا وتكىزۋ جوسپارلانۋدا