الماتىنىڭ وڭىرلىك كوممۋنيكاسيالار قىزمەتىنىڭ الاڭىندا الماتى قالاسىنىڭ ءبىلىم باسقارماسىنىڭ باسشىسى سايران سايفەدەنوۆ «جايلى مەكتەپ» ۇلتتىق جوباسىن ىسكە اسىرۋ اياسىندا قالادا 36،8 مىڭ ورىنعا شاقتالعان 22 مەكتەپ سالۋ جوسپارلانعانىن ايتتى، دەپ حابارلايدى aqshamnews.kz.
اعىمداعى جىلدىڭ سوڭىنا دەيىن 32،8 مىڭ ورىندىق 20 مەكتەپتىڭ قۇرىلىسىن اياقتاپ، پايدالانۋعا بەرۋ جوسپارلانۋدا. 4 مىڭ ورىنعا ەسەپتەلگەن قالعان ەكى مەكتەپ 2025 جىلى اياقتالىپ، اشىلادى.
«Samruk-Kazyna Construction» اق ارقىلى جۇرگىزىلىپ جاتقان 23 100 ورىندىق 13 مەكتەپتىڭ قۇرىلىسىنا ەرەكشە نازار اۋدارىلادى. ولاردىڭ ىشىندە 2024 جىلدىڭ 1 قىركۇيەگىنە دەيىن «Dial-Stroy» شاعىن اۋدانىندا 600 ورىندىق مەكتەپ پايدالانۋعا بەرىلەدى. 2024 جىلدىڭ قازان ايىندا «تەرەكتى» شاعىن اۋدانىندا 2000 ورىندىق مەكتەپ اشۋ جوسپارلانۋدا»، - دەدى باسقارما باسشىسى.
2024 جىلدىڭ قاراشاسىندا 4500 ورىندىق ءۇش مەكتەپ: روزىباكييەۆ-ليەۆيتان كوشەسى بويىنداعى مەكتەپ، رايىمبەك داڭعىلى بويىنداعى «نۇرلى دالا» تك اۋدانىنداعى جانە اقبۇلاق شاعىن اۋدانىنداعى № 154 مەكتەپ قۇرىلىستارى اياقتالادى دەپ كۇتىلۋدە.
2024 جىلدىڭ سوڭىنا دەيىن 15 مىڭ ورىندىق 8 مەكتەپتىڭ قۇرىلىس اياقتاۋ جوسپارلانۋدا. ولاردىڭ اراسىندا «قاراسۋ»، «سامعاۋ»، «شۇعىلا»، «قۇرامىس» شاعىن اۋداندارى، سونىمەن قاتار، ەگىزبايەۆ، سابدەنوۆ كوشەلەرىندەگى جانە باسقالارى بار.
سونىمەن قاتار، 11 700 ورىنعا ەسەپتەلگەن 8 مەكتەپ قۇرىلىسىن جەكە ينۆەستورلار جۇرگىزۋدە. بۇگىنگى تاڭدا شۇعىلا شاعىن اۋدانىندا 1200 ورىندىق ءبىر مەكتەپتىڭ قۇرىلىسى اياقتالدى. «العاباس» شاعىن اۋدانىندا 2 مىڭ ورىندىق مەكتەپ سالۋ مەملەكەتتىك جەكەشە ارىپتەستىك شەڭبەرىندە جوسپارلانۋدا، بۇل جوبا بويىنشا جۇمىستار 2024 جىلدىڭ قازان ايىندا باستالادى. قۇرىلىس 2025 جىلدىڭ جەلتوقسانىندا اياقتالادى دەپ كۇتىلۋدە.
اعىمداعى جوندەۋ اياسىندا، 2024 جىلى 180 مەملەكەتتىك مەكتەپكە جوندەۋ جۇمىستارىن جاساۋ جوسپارلانعان. اعىمداعى جىلدىڭ 19 تامىزىنداعى جاعداي بويىنشا 169 مەكتەپتە جوندەۋ جۇمىستارى اياقتالدى، قالعان 11 مەكتەپتە جوندەۋ جۇمىستارىن 25 تامىزعا دەيىن اياقتاۋ جوسپارلانۋدا.
«قازىرگى تاڭدا قالاداعى 13 مەملەكەتتىك مەكتەپتە كۇردەلى جوندەۋ جۇمىستارى جۇرگىزىلۋدە. ونىڭ ىشىندە 4 مەكتەپتە جوندەۋ جۇمىستارى اياقتالدى، ال قالعاندارىندا 2025 جىلى اياقتاۋ جوسپارلانعان. وكىنىشكە قاراي، ءۇش پروبلەمالىق نىسان بار، وندا جۇمىستار كەشىكتىرىلىپ، جوندەۋ جۇمىستارى جوسپارلانعان مەرزىمنەن كەيىن اياقتالادى دەپ كۇتىلۋدە. ولاردىڭ ىشىندە 2023 جىلدىڭ اقپان ايىندا باستالعان №9 مەكتەپ جانە 2023 جىلدىڭ قىركۇيەگىندە رەكونسترۋكسيا باستالعان №59 مەكتەپ بار» - دەپ اتاپ ءوتتى س.سايفەدەنوۆ.
سونداي-اق، جەرگىلىكتى بيۋدجەت ەسەبىنەن ءارقايسىسى 550 ورىندىق ەكى مەكتەپتىڭ قۇرىلىسى جۇرگىزىلۋدە. ولاردىڭ ءبىرىن 2024 جىلدىڭ قىركۇيەك ايىنىڭ سوڭىنا قاراي «سايالى-2» شاعىن اۋدانىندا اياقتاۋ جوسپارلانۋدا. ەكىنشى مەكتەپ «زەردەلى» شاعىن اۋدانىندا سالىنۋدا.