الماتى قالاسىنىڭ تۇرعىن ءۇي ساياساتى باسقارماسى «نۇرلى جەر» باعدارلاماسىنا قاتىسۋ شارتتارىن ءمالىم ەتتى، دەپ حابارلايدى اlmaty-akshamy.kz.
«ورتاق مۇلىكتى كۇتىپ ۇستاۋ پاتەرلەر مەن تۇرعىن ەمەس ءۇي-جايلاردىڭ يەلەرىنە جۇكتەلەدى. ليفت جابدىقتارىن اۋىستىرۋ جيناق شوتىنداعى قاراجات ەسەبىنەن جۇزەگە اسىرىلۋى مۇمكىن. ەگەر شوتتا جوندەۋ جۇمىستارىن جۇرگىزۋگە قاراجات جەتكىلىكسىز بولسا، ءۇي يەلەرى «نۇرلى جەر» كوپ پاتەرلى تۇرعىن ءۇيدى جاڭعىرتۋدىڭ مەملەكەتتىك باعدارلاماسىنا قاتىسا الادى. باعدارلاما بويىنشا قاراجات جەرگىلىكتى بيۋدجەتتەن 8 جىلدان 15 جىلعا دەيىن وتەۋ مەرزىمىمەن پايىزسىز ءبولىپ تولەۋ ارقىلى بەرىلەدى.
الايدا، باعدارلاماعا قاتىسۋ ءۇشىن جيىندا قابىلدانعان پاتەرلەردىڭ، تۇرعىن ەمەس ءۇي-جايلاردىڭ مەنشىك يەلەرىنىڭ جالپى سانىنىڭ ۇشتەن ەكىسىنەن استامىنىڭ كەلىسىمى قاجەت. وڭ شەشىم قابىلداعان سوڭ، قىزمەتتى باسقارۋ ورگانى بارلىق راستاۋشى ماتەريالدارمەن قوسا، گوگول كوشەسى، 45 مەكەنجايى بويىنشا ورنالاسقان «الماتى تۇرعىن ءۇي» ج ش س وپەراتورىنا حات جىبەرۋى كەرەك. سونداي-اق +7 (727) 390-22-09، +7 (702) 000-64-45 تەلەفوندارى ارقىلى كەڭەس الۋعا بولادى»، - دەلىنەدى باسقارمانىڭ حابارلاماسىندا.
سونداي-اق ۆەدومستۆو مالىمەتىنشە، الماتىدا جىل باسىنان بەرى 62 ۇيدە 112 ليفت اۋىستىرىلدى. جىل سوڭىنا دەيىن بارلىعى 350 جەدەلساتىنى اۋىستىرۋ جوسپارلانۋدا.
ايتا كەتەيىك، «نۇرلى جەر» - 2020-2025 جىلدار ارالىعىنا ەسەپتەلگەن تۇرعىن ۇي-كوممۋنالدىق شارۋاشىلىعىن دامىتۋ باعدارلاماسى.