الماتى قالاسىنىڭ توتەنشە جاعدايلار دەپارتامەنتىندە دۇنيەجۇزىلىك ازاماتتىق قورعانىس كۇنى مەن قازاقستانداعى بالالار جىلىن مەرەكەلەۋگە ارنالعان بايقاۋ قورىتىندىسى شىعارىلدى، دەپ حابارلايدى اlmaty-akshamy.kz.
الماتى توتەنشە جاعدايلار دەپارتامەنتى «ازاماتتىق قورعانىس سالاسىنداعى ۇزدىك مەكتەپ» بايقاۋىن ۇيىمداستىردى. ازاماتتىق قورعاۋ سالاسىندا بالالاردى، جاسوسپىرىمدەر مەن جاستاردى وقىتۋعا، توتەنشە جاعداي كەزىندە ءىس-قيمىل داعدىلارىن، ءوزىن-وزى قۇتقارۋ جانە ءوزارا كومەك كورسەتۋ مەن تاسىلدەرىن بىلۋگە ەرەكشە نازار اۋدارىلدى.
بايقاۋعا مەگاپوليستىڭ 224 مەكتەبى قاتىستى. ونىڭ قورىتىندىسى بويىنشا، ءبىرىنشى ورىندى №61 جالپى ءبىلىم بەرەتىن مەكتەپ (تۇركسىب اۋدانى)، ەكىنشى ورىندى №41 جالپى ءبىلىم بەرەتىن مەكتەپ (الاتاۋ اۋدانى) جانە ءۇشىنشى ورىندى №157 جالپى ءبىلىم بەرەتىن مەكتەپ (ناۋرىزباي اۋدانى) يەلەندى.سونىمەن قاتار، دەپارتامەنت جەكە كومپانيامەن بىرلەسىپ «ازاماتتىق قورعانىس سالاسىنداعى ۇزدىك پىكىر» كونكۋرسىن ۇيىمداستىردى، وندا 1، 2 جانە 3-ورىن ءۇشىن جەڭىمپازدارعا Smart-ساعات پەن ارنايى ديپلومدار بەرىلدى. وعان قالانىڭ 84 وقۋشىسى قاتىستى.
بارلىق جەڭىمپازدار مەن جۇلدەگەرلەردى الماتى قالاسى توتەنشە جاعدايلار دەپارتامەنتى باستىعىنىڭ ورىنباسارى سامات اساينوۆ قۇتتىقتادى.
15 اقپان مەن 25 ناۋرىز ارالىعىندا دۇنيەجۇزىلىك ازاماتتىق قورعانىس كۇنىن مەرەكەلەۋگە ارنالعان، ازاماتتىق قورعانىس سالاسىنداعى ءبىلىمدى ناسيحاتتاۋعا، سونداي-اق حالىقتى توتەنشە جاعداي كەزىندە ءىس-قيمىل جاساۋعا ۇيرەتۋگە باعىتتالعان ءىس-شارالار ۇيىمداستىرىلىپ، وتكىزىلدى.
«249 مىڭنان استام وقۋشى مەن ستۋدەنت قاتىستى. 3420 سۋرەت بايقاۋى، بالالاردىڭ قاتىسۋىمەن 1544 سپەكتاكل، تاربيەشىلەردىڭ 799 قۋىرشاق سپەكتاكلى، قاۋىپسىزدىك الىپپەسى بويىنشا 5360 اڭگىمە، ءورت قاۋىپسىزدىگى بويىنشا 2347 ديداكتيكالىق ويىن، ازاماتتىق قورعانىس جانە تج تاقىرىبى بويىنشا 976 ولەڭ جانە 4281 بەينەروليك كورسەتىلىمى ۇيىمداستىرىلدى»، - دەپ اتاپ ءوتتى الماتى قالالىق ءتجد-نىڭ باسپا ءسوز قىزمەتىنەن.