الماتىدا جالپى ءبىلىم بەرەتىن №98 مەكتەپتىڭ جوبالىق قۋاتى №8 مۋزىكا مەكتەبى يەلەنگەن كورپۋستاردىڭ ءبىرىن بوساتقاننان كەيىن 300 ورىنعا ۇلعايدى. ال، مۋزىكا مەكتەبى جالپى اۋدانى 950 شارشى مەتر بولاتىن جاڭا عيماراتقا كوشتى، دەپ حابارلايدى aqshamnews.kz
مەدەۋ اۋدانىنا جۇمىس ساپارى بارىسىندا الماتى اكىمى ەربولات دوسايەۆ ەكى مەكتەپتى ارالاپ، ولاردىڭ قىزمەتىمەن تانىستى.
№98 مەكتەپ مالايا ستانيسا اۋدانىندا ورنالاسقان. ونىڭ جوبالىق قۋاتى 640 ورىندى قۇرايدى، ال ءبىلىم الۋشىلاردىڭ ناقتى سانى 1،1 مىڭ ادامنان استى. جالپى اۋدانى 500 شارشى مەتر بولاتىن ءبىر كورپۋستى بۇرىن مۋزىكا مەكتەبى يەلەنگەن.
تۇرعىنداردىڭ ءوتىنىشى بويىنشا بيىلعى جىلى الماتى قالاسىنىڭ اكىمدىگى وسى ماقساتتا ساتىپ العان مۋزىكالىق مەكتەپتى كورشى عيماراتقا كوشىرۋ جۇزەگە اسىرىلدى.
كوشۋ ناتيجەسىندە №98 مەكتەپتىڭ جوبالىق قۋاتى 300 ورىنعا ۇلعايدى. بوساتىلعان ءۇي-جايدا جوندەۋ جۇمىستارى جۇرگىزىلىپ، بيىل قىركۇيەك ايىنان باستاپ باستاۋىش سىنىپ وقۋشىلارى وقي باستادى.
مۋزىكا مەكتەبىنىڭ جاڭا عيماراتىنا بيۋدجەت قاراجاتى ەسەبىنەن كوسمەتيكالىق جوندەۋ جۇرگىزىلدى. ال قويما اكت زالى رەتىندە قايتا جاسالدى. مۋزىكا مەكتەبى وسى جىلدىڭ قىركۇيەك ايىندا ەسىگىن ايقارا اشتى.
«تاريحي تۇرعىدان العاندا، جالپى ءبىلىم بەرەتىن مەكتەپتەر مۋزىكالىق مەكتەپتەرمەن بىرىكتىرىلدى. ءبىراق قالا ءوسىپ، دامىپ كەلە جاتقاندا، ونىمەن بىرگە حالىق سانى دا ءوستى. مەكتەپكە شامادان تىس جۇك ءتۇستى، وقۋشىلارعا ورىن جەتىسپەدى. مەدەۋ اۋدانى اكىمىنىڭ باستاماسىمەن ءبىز مەكتەپتىڭ جانىنان ءۇي-جاي تابۋعا تىرىستىق. ءبىز اكىمشىلىك عيماراتتى ساتىپ الدىق، جوندەۋ جۇمىستارىن جۇرگىزدىك. ەندى بۇل تولىققاندى مۋزىكا مەكتەبى. بۇل مەكتەپ ديرەكتورىنىڭ ايتۋىنشا، بالالاردىڭ 40% - ى №98 مەكتەپتە وقيدى. ءبىزدىڭ قالامىزدا كوپتەگەن جاڭا تالانتتار پايدا بولادى جانە بالالار مۋزىكالىق قابىلەتتەرىن دامىتۋدى جالعاستىرادى دەپ ۇمىتتەنەمىز»، - دەپ اتاپ ءوتتى الماتى اكىمى.
ايتا كەتەيىك، اۋداندا وقۋشى ورىندارىنىڭ تاپشىلىعى 4،3 مىڭدى قۇرايدى، ونى تومەندەتۋ ماقساتىندا مەدەۋ اۋدانىنىڭ اۋماعىندا 2 مىڭ ورىندىق جايلى مەكتەپ سالىنۋدا. تۇرعىن ءۇي كەشەندەرى سالىنىپ جاتقان اۋماقتاردا 1500 ورىندىق 2 جەكەمەنشىك مەكتەپ سالۋ جوسپارلانعان. سونداي-اق، مەكتەپتەرگە 6 قوسىمشا قۇرىلىس سالۋ جۇمىستارى جۇرگىزىلۋدە. ناتيجەسىندە 2026 جىلدىڭ سوڭىنا قاراي اۋداندا 5 270 جاڭا وقۋشى ورنى پايدا بولادى.