الماتىدا ءجاسوسپىرىم قىزدى توناپ كەتكەن ەر ادام ۇستالدى
الماتى قالالىق پوليسيا دەپارتامەنتىنىڭ مالىمەتىنشە، كامەلەتكە تولماعان قىزدىڭ اناسى پوليسياعا ارىز تۇسىرگەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
ونىڭ ايتۋىنشا، قىزى مەكتەپتەن كەلە جاتقاندا بەلگىسىز بىرەۋ ونىڭ قولىنان Iرhone ۇيالى تەلەفونىن تارتىپ العان. پوليسيا قىزمەتكەرلەرىنىڭ جەدەل ارەكەتى ناتيجەسىندە كۇدىكتى قاماۋعا الىندى.
«پوليسياعا جەتكىزىلگەن 28 جاستاعى كۇدىكتى كىناسىن مويىندادى. ايعاقتى زات رەتىندە تەلەفون تاركىلەندى جانە يەسىنە قايتارىلدى. ۇستالعان ازامات ۋاقىتشا ۇستاۋ يزولياتورىنا قامالدى. اتالعان فاكتى بويىنشا ق ر قك-نىڭ 191-بابى 1-بولىگىنە سايكەس قىلمىستىق ءىس قوزعالدى»، – دەدى الماتى قالالىق پوليسيا دەپارتامەنتى كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
ءقازىر كۇدىكتىنىڭ وسىعان ۇقساس بۇرىن جاسالعان قىلمىستارعا قاتىستىلىعى انىقتالىپ جاتىر.