ءبىلىم مەن عىلىمنىڭ زامانى.
دۇنيەدە ەكى نارسەدەن قاتەلەسپەۋ كەرەك دەيدى. سونىڭ ءبىرى – ماماندىق تاڭداۋ. دەسەك تە، الماعايىپ زاماندا قايدا، قالاي، ءقايتىپ قادام باسۋدى بىلمەي تۇرعان تالاپكەر از ەمەس. ءبىراق ءبىر ءسوز بار، «تاعدىردىڭ جازعانى». شىنىندا دا سولاي ما؟!
ءقازىر XXI عاسىرعا عالىمدار «ارپالىس عاسىرى» دەپ باعا بەرىپتى. بۇگىن اشقان جاڭالىعىڭىز ەرتەڭ وزەكتى ەمەس. بىردە فۋتۋريست ميتيو كاكۋ «بولاشاقتا ادامنىڭ ءىسىنىڭ 50%ء-ىن روبوتتار اتقارادى، كوپ ماماندىقتار جويىلماق» دەدى. ايگىلى عالىمنىڭ ءسوزىنىڭ جانى بار. بۇل كوپتەن بەرى ايتىلىپ جۇرگەن وي.
ەۋروپا ەلدەرىندە مەكتەپ وقۋشىلارىنا ماماندىق ۇيرەتىپ شىعارادى ەكەن. قالاي؟ ءجاسوسپىرىمدى 9 سىنىپتا بەيىمىنە قاراي باعىتتايدى. ماشينا بولشەكتەرى، كومپيۋتەرلىك باعىت، ت.س.س. ءتىپتى. «گەرمانيادا ءاربىر مەكتەپ ءبىتىرۋشى تۇلەك «OPEL» ءاۆتوموبيلىنىڭ موتورىن شاشىپ، قايتا جيناي بىلەدى» دەگەن ءازىل ءسوز بار. ءازىل ءتۇبى – شىندىق. سونىمەن قاتار مەكتەپتەن ارناۋلى ورتا تەحنيكالىق ماماندىق يەسى بولىپ شىعادى ەكەن. بۇل – راس.
جان-جاعىڭىزعا كوز جىبەرىپ قارار بولساڭىز، ۇمتىلىس، بىرىنەن-بىرى اسقان عىلىمي تەحنولوگيا. الەمنىڭ جوو-لارى كىل مىقتىعا ەسىگىن اشۋدا. IT، نانوتەحنولوگيا، روبوتوتەحنولوگيا، ماشينا جاساۋ ماماندىقتارىن يگەرسەڭىز، بىتىرگەن سوڭ قايدا بارامىن دەپ باس قاتىرماساڭىز دا بولادى. شەت ەلدە الپاۋىت كورپوراسيالار، حولدينگتەر ءسىزدى ءوزى ىزدەيدى. ساپالى مامان بولساڭىز، جەتىپ جاتىر. دەگەنمەن شەتتە بار دۇنيە بىزدە دە كەزىگەدى.
الەمدىك ساراپشىلاردىڭ پىكىرىنشە، ەكونوميست، زاڭگەر، قارجىگەرلەر كەرەكسىز. بىرتە-بىرتە بۇنى كومپيۋتەر اتقارۋدا. ويلانىپ قاراڭىز، اتاعى مىقتى، ءبىراق اتقاراتىن جۇمىسى جوق. سوندا نە بولماق؟
بىردە عالامتوردان «قۇداي بەرمەگەندى سوربوننا بەرە المايدى» دەگەن جازۋ دۇنيەدەگى بەلدى وقۋ ورنىنىڭ ماڭدايشاسىندا جازۋلى تۇرعانى تۋرالى وقىدىم. وتە سانالى وي. بىلگەنگە! سىزدەرگە ءبىر قىزىق ايتايىن، تالاپكەر. بىردە البەرت ەينشتەيندى ۋنيۆەرسيتەتتەن شىعارماقشى بوپتى. سەبەپ؟ باياۋ ويلانادى ەكەن. كىم ويلاعان.
بۇگىندە ەينشتەين فورمۋلاسى بار. ۋاقىت قىسقا، تاڭداۋ بىرەۋ. وسى تاڭداۋ ءاربىر جاستىڭ ومىرلىك تىرەۋى بولعانى ابزال. بولاشاقتى بۇگىننەن قالا. وڭ جامباسىڭا كەلەتىن ماماندىقتى تاڭدا. كىم ءبىلسىن، كەلەسى ەينشتەين ءسىز بولارسىز. ساتتىلىك!