الماتىداعى الاتاۋ اۋدانى قاراسۋ شاعىناۋدانىندا ورنالاسقان №160 ورتا مەكتەپتىڭ كۇزەتشى وقۋشىعا ءجابىر كورسەتكەن، دەپ حابارلايدى almaty-akshamy.kz استانا تەلەارناسىنا سىلتەمە جاساپ.
«بۇل قالاي بولدى؟ ءمۇعالىم وقۋشى قىزعا قوڭىراۋ شالىپ، وعان ءبىر زات بەرەتىنىن ايتادى. الايدا قىزدى كۇتپەستەن زاتتى كۇزەتكە قالدىرىپ كەتەدى. قىز وقۋ ورنىنا كەلگەندە ماس كۇزەتشى بار ەكەن. بىزدە ونىڭ كىشكەنتاي قىزعا ءتيىسىپ، وزىنە قاراي تارتىپ، ءسۇيىپ جاتقان ۆيدەوسى بار. قۇدايعا شۇكىر، قىز ودان قاشىپ قۇتىلادى»، — دەيدى اتا-انالاردىڭ ءبىرى.
قالالىق ءبىلىم باسقارماسى بۇل فاكتىگە قاتىستى شۇعىل شارالار قابىلدانعانىن ءمالىم ەتتى.
«№160 ورتا مەكتەپتە قاۋىپسىزدىك قىزمەتىن كورسەتەتىن «التىن الەم گرۋپپ» كومپانياسىنا مەكتەپ اكىمشىلىگى ءتيىستى حاتتاما تولتىردى. سونىمەن قاتار، اتالعان سەرىكتەستىككە كەلىسىم-شارتتى بۇزۋ تۋرالى شاعىم مەن حابارلاما جولداندى. قازىرگى ۋاقىتتا كۇزەتشىنىڭ ۇستىنەن قىلمىستىق ءىس قوزعالدى، كۇدىكتى 15 تاۋلىككە قاماۋعا الىندى»، - دەپ اتاپ ءوتتى ءبىلىم باسقارماسىنىڭ باسپا ءسوز قىزمەتى.
«الماتى قالالىق پوليسيا دەپارتامەنتى اتالعان دەرەك بويىنشا الاتاۋ اۋداندىق پوليسيا باسقارماسىمەن ق ر قك 124 بابى 1-بولىگىنە سايكەس تەرگەۋ جۇرگىزىپ جاتقانىن حابارلايدى. ساراپتامالار تاعايىندالدى. وقيعانىڭ ءمان-جايى انىقتالۋدا»، دەيدى قالالىق پد-نىڭ رەسمي وكىلى سالتانات ازىربەك.