بەينەباقىلاۋ كامەرالارى وقۋشىلاردىڭ تاماقتانۋ ساپاسىن باقىلايتىن بولادى
بالالار مەن جاسوسپىرىمدەردىڭ دەنساۋلىعىن ساقتاۋ مەن نىعايتۋدىڭ ەڭ وزەكتى ماسەلەلەرىنىڭ ءبىرى ولاردى ساندىق جانە ساپالىق جاعىنان فيزيولوگيالىق جانە گيگيەنالىق تالاپتارعا جاۋاپ بەرەتىن دۇرىس تاماقپەن قامتاماسىز ەتۋ بولىپ تابىلادى، دەپ حابارلايدى almaty-akshamy.kz
وقۋشىلاردى دۇرىس ءارى ساپالى تەڭدەستىرىلگەن تاماقپەن قامتاماسىز ەتۋ ءۇشىن الماتىدا ۆەدومستۆوارالىق ساراپتاما توبى قۇرىلادى. ول قالا مەكتەپتەرىندە تاماقتانۋدىڭ ساپاسى مەن ءتيىمدى ۇيىمداستىرىلۋىنا جۇيەلى مونيتورينگ جۇرگىزەدى. بۇل تۋرالى باسقارما باسشىسى ءلاززات جىلقىبايەۆا حابارلادى. كەستەگە سايكەس، كۇنتىزبەلىك جىل ىشىندە ءبىلىم بەرۋ سالاسىنىڭ قىزمەتكەرلەرىنەن، اۋدان اكىمدەرىنەن، دەپۋتاتتاردان، اتا-انالاردان جانە قازاق تاماقتانۋ اكادەمياسىنىڭ وكىلدەرىنەن تۇراتىن كوميسسيا وكىلدەرى قالانىڭ بارلىق ءبىلىم بەرۋ ۇيىمىن ارالاپ شىعادى.
«اسحانانى جالعا الۋشىلارعا بەينەباقىلاۋ كامەراسىن ورناتۋدى مىندەتتەۋ ءۇشىن ءقازىر ءبىلىم بەرۋ ۇيىمدارىنىڭ باسشىلارىنا تاپسىرما بەرىلدى. 206 مەملەكەتتىك مەكتەپتىڭ اسحاناسىنا كامەرالار ورناتىلعان (قالادا بارلىعى 215 مەملەكەتتىك مەكتەپ بار). بۇل ۆەدومستۆوارالىق كوميسسياعا كەز كەلگەن ۋاقىتتا بالالارعا ارنالعان تاعامداردىڭ قالاي دايىندالاتىنىن كورۋگە مۇمكىندىك بەرەدى. بۇگىندە ورتا ءبىلىم بەرۋ ۇيىمدارىندا تاماقتى 85 جالعا الۋشى قامتاماسىز ەتەدى. قىزمەت كورسەتۋشىنى ءبىلىم بەرۋ ۇيىمدارى ق ر عىلىم جانە جوعارى ءبىلىم مينيسترلىگىنىڭ 2018 جىلعى 31 قازانداعى بۇيرىعىنا سايكەس كونكۋرستىق نەگىزدە تاڭدايدى. سونىمەن قاتار، سوڭعى ۋاقىتتا جەرگىلىكتى بيۋدجەتتەن مەكتەپ اسحاناسىنىڭ ماتەريالدىق-تەحنيكالىق بازاسىن جاقسارتۋ ءۇشىن قاراجات ءبولىنىپ وتىر»، - دەدى ءبىلىم باسقارماسىنىڭ باسشىسى.
ەستەرىڭىزگە سالا كەتەيىك، الماتى قالاسى اكىمدىگىنىڭ شەشىمىمەن 2022-23 وقۋ جىلىنىڭ 1 قىركۇيەگىنەن باستاپ مەملەكەتتىك ورتا ءبىلىم بەرۋ ۇيىمدارىنىڭ 1-4 سىنىپ وقۋشىلارى تەگىن تاماقپەن قامتاماسىز ەتىلەدى. 2023 جىلعا ارنالعان جالپى بيۋدجەت جەرگىلىكتى بيۋدجەت ەسەبىنەن 20،4 ملرد تەڭگە بولدى. حالىقتىڭ الەۋمەتتىك وسال توپتارى ساناتىنداعى بالالاردى قوسقاندا، بۇگىندە 134 مىڭنان استام وقۋشى تەگىن تاماقپەن قامتىلىپ وتىر.