بۇل تۋرالى الماتى قالاسىنىڭ اكىمى ە.دوسايەۆ مەملەكەت باسشىسىنىڭ قاتىسۋىمەن وتكەن ۇكىمەتتىڭ كەڭەيتىلگەن وتىرىسىندا ايتتى، دەپ حابارلايدى اlmaty-akshamy.kz.
دەنساۋلىق ساقتاۋ جۇيەسىن جاقسارتۋ شەڭبەرىندە 2022 جىلى مەديسينالىق ۇيىمدار 16،4 ملرد. تەڭگەگە جابدىقتالدى، 4 باستاپقى مەديسينالىق-سانيتارلىق كومەك نىسانى اياقتالىپ كەلەدى، سونداي-اق 7 نىساننىڭ جوبالاۋ قۇجاتتاماسى ازىرلەندى.
"ءسىزدىڭ الماتى قالاسىنىڭ حالقىمەن كەزدەسۋ بارىسىندا بەرگەن تاپسىرماڭىز بويىنشا 2023 جىلى 10 كوپسالالى اۋرۋحانانى جاڭعىرتۋ جوبالارىن دايىنداۋ، 4 وتباسىلىق-دارىگەرلىك امبۋلاتوريا سالۋ، سونداي-اق 6 جاڭا ەمحانا مەن 3 وتباسىلىق-دارىگەرلىك امبۋلاتوريانى جوبالاۋ جوسپارلانۋدا. بۇل نىساندار الماتى قالاسىندا باستاپقى مەديسينالىق-سانيتارلىق كومەك كورسەتۋدىڭ ازىرلەنىپ جاتقان ءبىرىڭعاي ستاندارتىن ەسكەرە وتىرىپ، ىسكە اسىرىلاتىن بولادى"، - دەدى قالا اكىمى..
جالپى، مەديسينالىق قىزمەتتەردىڭ قولجەتىمدىلىگى مەن ساپاسىن ارتتىرۋعا 2023 جىلى 31،5 ملرد تەڭگە قاراستىرىلعان.