ادامي كاپيتالدى ساپالى دامىتۋ - قالا اكىمدىگىنىڭ جۇمىسىنداعى باسىم مىندەت

ءبىز ءبىلىم بەرۋ سالاسىنا ەرەكشە كوڭىل بولەمىز - ە.دوسايەۆ. 

بۇل تۋرالى الماتى قالاسىنىڭ اكىمى ە.دوسايەۆ ۇكىمەتتىڭ كەڭەيتىلگەن وتىرىسىندا ايتتى، دەپ حابارلايدى Almaty-akshamy.kz.

«وسى  جىلدىڭ 1 جەلتوقسانىندا الماتىدا 13،5 مىڭ وقۋشى ورنىنا ارنالعان 16 مەكتەپ پەن قوسىمشا قۇرىلىس پايدالانۋعا بەرىلدى، جىل سوڭىنا دەيىن 4 570 ورىندىق تاعى 5 نىساندى پايدالانۋعا بەرىلەدى (3 مەكتەپ، 2 قوسىمشا قۇرىلىس)»،  - دەدى الماتى اكىمى ە.دوسايەۆ. 

«جايلى مەكتەپ» ۇلتتىق جوباسىن ىسكە اسىرۋ شەڭبەرىندە وقۋشى ورىندارىنىڭ «سوزىلمالى» تاپشىلىعىن جويۋ ءۇشىن الماتىدا 37 100 وقۋشىعا ورنىنا ارنالعان 22 مەكتەپتىڭ قۇرىلىسى باستالادى (53 ملرد.تەڭگە).

جەر ۋچاسكەلەرىن ساتىپ الۋ جانە ينفراقۇرىلىمعا قوسۋ ءۇشىن 11 ملرد. تەڭگە قاجەتتى قاراجات قالانىڭ 2023-2025 جىلدارعا بەكىتىلگەن بيۋدجەتىندە كوزدەلگەن.

«1000 مەكتەپ» جوباسى بويىنشا 2023-2025 جىلدارى جەرگىلىكتى بيۋدجەت ەسەبىنەن 27 150 ورىندىق 36 مەكتەپ پايدالانۋعا بەرىلەدى. بۇل 2025 جىلدىڭ سوڭىنا دەيىن وقۋشى ورىندارىنىڭ تاپشىلىعىن «باسقارىلاتىن» دەڭگەيگە دەيىن تومەندەتۋگە مۇمكىندىك بەرەدى (3000-4000 ورىن).

2023 جىلى 29 مەكتەپتەن 7 700-دەن استام (7 722)  بالانى قامتي وتىرىپ، «مەكتەپ اۆتوبۋسى» پيلوتتىق جوباسى ىسكە قوسىلادى.            

جاڭا وقۋ جىلىنان باستاپ 1-4 سىنىپ وقۋشىلارىن، سونداي-اق حالىقتىڭ الەۋمەتتىك وسال توبى ساناتىنداعى بالالاردى تەگىن ىستىق تاماقپەن قامتاماسىز ەتۋ جوباسىن باستادىق. جالپى وقۋشى سانىنىڭ 45%-ى، ياعني 133 مىڭ بالا قامتىلدى (2022 ج. - 7،1 ملرد. تەڭگە، 2023 ج. – 800 تەڭگەگە دەيىن باعانىڭ ءوسۋىن ەسكەرە وتىرىپ - 20،4 ملرد. تەڭگە).

«ءسىزدىڭ تاپسىرماڭىزدى ورىنداۋ ءۇشىن 2023 جىلى مەگاپوليستىڭ بارلىق 212 مەكتەبىندە «دابىل تۇيمەلەرى»، وتكىزۋ جۇيەسىمەن جانە بەينەكامەرالارمەن جابدىقتالعان كەشەندى قاۋىپسىزدىك جۇيەسى ەنگىزىلەتىن بولادى (3 جىلعا - 5 ملرد. تەڭگە)»، - دەدى ە.دوسايەۆ.