بۇگىن الماتى قالاسى ءماسليحاتىنىڭ كەزەكتى XV سەسسياسى ءوتتى، وندا باسقارما باسشىلارى وتكەن جىلى اتقارىلعان جۇمىستار تۋرالى ەسەپ بەردى، سونداي-اق بولاشاق جوسپارلارى تۋرالى باياندادى، دەپ حابارلايدى اlmaty-akshamy.kz.
اmanat فراكسياسىنىڭ مۇشەسى ايگۇل دۇيسەنوۆا قالانىڭ دەنساۋلىق ساقتاۋ باسقارماسىنا ءوتىنىش ءبىلدىردى:
– ءبارىمىز قالاداعى مەديسينا نىساندارىنىڭ قازىرگى جاعدايى تۋرالى بىلەمىز. ءبىزدىڭ كوميسسيا 11-گە جۋىق دەنساۋلىق ساقتاۋ نىسانىن كۇردەلى جوندەۋگە 5 ملرد تەڭگە ءبولۋدى قولدادى. بۇل ماسەلەنى ءىشىنارا شەشەتىنى انىق. ءسىزدىڭ باسقارماڭىزدا دەنساۋلىق ساقتاۋ نىساندارىن دامىتۋ جوسپارى بار ما جانە وعان نە كىرەدى؟
قوعامدىق دەنساۋلىق ساقتاۋ باسقارماسىنىڭ باسشىسى يران شامەتەكوۆتىڭ جاۋابى:
– ءيا، ءسىز اتاپ وتكەندەي، قالانىڭ دەنساۋلىق ساقتاۋ جۇيەسىنىڭ نەگىزگى پروبلەمالارى - مەديسينالىق مەكەمەلەردىڭ توزىعى جەتكەن عيماراتتارى. سوڭعى 5 جىلدا قالادا ءۇش دەنساۋلىق ساقتاۋ نىسانى ىسكە قوسىلدى، 2 نىسان قايتا جاڭارتىلدى جانە سەيسميكالىق كۇشەيتىلدى.
12 ملرد تەڭگەگە مەديسينالىق تەحنيكا ساتىپ الىندى، بۇل ينفراقۇرىلىمدى جاڭارتۋعا ىقپال ەتتى. 2020 جىلدان باستاپ قالانىڭ ەكى مەديسينالىق مەكەمەسىندە كۇردەلى جوندەۋ جۇرگىزىلدى. مەديسينالىق عيماراتتاردىڭ توزۋ دەڭگەيى 70-تەن 10% - عا دەيىن تومەندەدى.
اعىمداعى جىلى 5،6 ملرد تەڭگەگە 14 نىساندى قايتا جاڭارتۋ جانە جوندەۋ جوسپارلانعان بولاتىن. قازىرگى ۋاقىتتا 74 مەديسينالىق ۇيىم بويىنشا التى نىسان مەن جەلدەتۋ جۇيەسى بويىنشا كۇردەلى جوندەۋگە جسق ازىرلەنۋدە.
