بۇل تۋرالى قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى نۇرلان ءابدىراحمانوۆ ايتتى.
ءقازىر جۇڭگو، وڭتۇستىك كورەيا جانە تۇركيا ەلدەرىنىڭ قارجى ۇيىمدارىمەن كەلىسسوز ءجۇرىپ جاتىر، دەپ حابارلايدى Almaty-akshamy.kz
اگەنتتىك ينۆەستورلار ءۇشىن قازاقستان نارىعىنا كىرۋ تالاپتارىن بارىنشا جەڭىلدەتپەك.
شەتەلدىك بانكتەردىڭ كوبەيۋىنەن سالادا باسەكەلەستىك ارتىپ، بازالىق مولشەرلەمە تومەندەيدى دەگەن بولجام بار.
"قازاقستاندىق نارىققا كىرۋگە قىزىعۋشىلىق تانىتىپ جاتقاندار بار. مۇنى ىسكە اسىرۋ ءۇشىن بانك سەكتورىنداعى كەيبىر كەدەرگىنى الىپ تاستاپ، زاڭعا ءبىرقاتار وزگەرىس ەنگىزۋ كەرەك. ولار قازاقستان بەكىتكەن بازالىق ستاۆكا بويىنشا جۇمىس ىستەيدى. سەبەبى، نەسيە تەڭگەمەن بەرىلەدى. جالپى وتاندىق بيزنەستى قارجىلاندىرۋ ءۇشىن قوسىمشا قارجى كوزى ارتىق ەتپەيدى"، دەدى نۇرلان ءابدىراحمانوۆ.