11 قازاندا «الاتاۋ» شاعىن اۋدانىنداعى «يننوۆاسيالىق تەحنولوگيالار پاركى» ارنايى ەكونوميكالىق ايماعىنىڭ اۋماعىندا مەديسينالىق بۇيىمدار وندىرەتىن جاڭا زاۋىتتىڭ (كاتەتەرلەر، زوندتار، پاتولوگيالىق ماتەريال جيناۋعا ارنالعان كونتەينەرلەر جانە ت.ب.) ىرگەتاسى قالاندى.
100-گە جۋىق جۇمىس ورنى بولاتىن زاۋىت قۇرىلىسىنا 1،5 ملرد. تەڭگە جەكە ينۆەستيسيا سالىنادى. قۇرىلىستى اياقتاۋدىڭ جوسپارلانعان مەرزىمى-2024 جىلعى ماۋسىم.
«الاتاۋ» اەا اۋماعىندا ينۆەستيسيالىق جوبالاردى ىسكە اسىرۋعا ارنالعان جەر ۋچاسكەلەرى قوسالقى جالداۋ قۇقىعىمەن وتەۋسىز نەگىزدە بەرىلەدى. بەرىلەتىن جەر ۋچاسكەلەرى قاجەتتى ينفراقۇرىلىممەن قامتاماسىز ەتىلگەن، كلاستەرلەر بويىنشا بولىنەدى جانە بارلىق سانيتارلىق نورمالارعا سايكەس كەلەدى.
«الاتاۋ» يتپ اەا - داعى مەديسينالىق باعىتتى ءبىز 2020 جىلى بۇكىل الەم جاھاندىق پاندەمياعا تاپ بولعان كەزدە بەلسەندى دامىتا باستادىق. سوندىقتان ارنايى ەكونوميكالىق ايماق قىزمەتىنىڭ باسىم تۇرلەرىنە مەديسينالىق تەحنيكا، مەديسينالىق جابدىقتار مەن فارماسيەۆتيكا ءوندىرىسى دە ەنگىزىلدى، سونداي-اق اۋدانى 25 گا ۋچاسكە ءبولىندى. ءقازىر بۇل سالادا ءبىرقاتار جوبالار ىسكە اسىرىلۋدا. اەا يتپ مەديسينالىق باعىتتان باسقا اسپاپ جاساۋ، اقپاراتتىق تەحنولوگيالار، دەرەكتەردى وڭدەۋ ورتالىعى، ەلەكتر جابدىقتارى جانە ت. ب. سالالارداعى جوبالاردى دا ىسكە اسىرادى. بۇگىنگى تاڭدا بىزدە جالپى سوماسى 20 ملرد تەڭگەدەن اساتىن 10 - نان استام جوبا ىسكە اسىرىلۋدا»، - دەدى «الاتاۋ» تەحنوپاركى» جشس- اەا يتپ باسقارۋشى كومپانياسىنىڭ باس ديرەكتورى ولجاس سارتايەۆ.
كاسىپورىننىڭ وندىرىستىك قۋاتى جىلىنا 10 ملن. بىرلىكتى قۇرايدى. وتاندىق ءوندىرۋشى ءونىمدى تەك ىشكى نارىقتا عانا ەمەس، وزبەكستان مەن قىرعىزستانعا ەكسپورتتاۋدى جوسپارلاپ وتىر.
«بيىل ءبىزدىڭ كومپانيامىزعا 30 جىل تولادى. ونى مەنىڭ جۇبايىم كەڭەس قۇسايىنوۆ جاساعان، ونىڭ ماماندىعى انەستەزيولوگ. سول كەزدە نارىققا ءبىر رەتتىك مەديسينالىق ونىمدەر وتە قاجەت بولدى، سوندىقتان مۇنداي يدەيا كەلدى. ءبىز ءونىمنىڭ ءۇش اتاۋىنان باستادىق جانە بۇگىنگى تاڭدا اسسورتيمەنتتى 110 اتاۋعا دەيىن كەڭەيتتىك. ءبىز ءقازىر بارلىق ەمدەۋ مەكەمەلەرىنە 3،5 - 4 ملن بىرلىك كولەمىندە سۇرانىسقا يە ونىمدەرىمىزدى جەتكىزىپ جاتىرمىز. بۇگىنگى تاڭدا الماتىدا اۋدانى 1000 شارشى مەتردەن اساتىن ءوز وندىرىستىك الاڭىمىز بار. ءبىز تەك ءوندىرىپ قانا قويماي، دارىگەرلەردىڭ سۇرانىسى بويىنشا جاڭا ونىمدەردى ازىرلەيمىز، ءوزىمىزدىڭ كونسترۋكتورلىق بيۋرو، تەحنولوگتارىمىز بار»، - دەدى «JULDYZ KENAN سو»ج ش س ديرەكتورى.، Ltd» باعلان باققۇلوۆا.
ينۆەستيسيالىق جوبا الماتى قالاسى كاسىپكەرلىك جانە ينۆەستيسيالار باسقارماسىنىڭ قولداۋىمەن ىسكە اسىرىلۋدا. ينۆەستيسيالىق جوبانى سۇيەمەلدەۋدى الماتىنىڭ «Almaty Business Development Company» بيزنەستى دامىتۋ كومپانياسى جۇزەگە اسىرادى.
«بۇل جوباعا ءبىز اەا رەزيدەنتى مارتەبەسىن، تەحنيكالىق شارتتاردى الۋ بولىگىندە كومەكتەستىك، ءقازىر ءبىز «Almaty Business» وڭىرلىك باعدارلاماسى اياسىندا جەڭىلدەتىلگەن قارجىلاندىرۋدى ءبولۋ مۇمكىندىگىن تالقىلاپ جاتىرمىز، مەملەكەتتىك ورگاندارمەن ءوزارا ءىس - قيمىل سالاسىندا جۇمىس جۇرگىزەمىز جانە بولاشاقتا «ءبىر تەرەزە» قاعيداتى بويىنشا قولداۋ كورسەتەتىن بولامىز. جوعارى تەحنولوگيالىق جانە «تازا وندىرىستەردى» دامىتۋ ءۇشىن قالا ينۆەستيسيالىق الاڭداردى – «يننوۆاسيالىق تەحنولوگيالار پاركى» ارنايى ەكونوميكالىق ايماعىن جانە دايىن ينفراقۇرىلىمى بار جەر ۋچاسكەسىن الۋ مۇمكىندىگىمەن الماتىنىڭ يندۋستريالدى ايماعىن بەلگىلەدى. سونداي - اق، اەا اۋماعىندا ەرەكشە سالىق جانە كەدەندىك رەجيمدەر جۇمىس ىستەيدى»، - دەپ اتاپ ءوتتى «Almaty Business Development Company» باسقارما ءتوراعاسى ايدان رامازان.
الماتىدا ينۆەستورلاردى تارتۋ بويىنشا بەلسەندى جۇمىس جۇرگىزىلۋدە، اتاپ ايتقاندا ءۇش باسىم باعىت - جوعارى تەحنولوگيالىق وندىرىستەردى، ءتۋريزمدى جانە كرەاتيۆتى يندۋستريالاردى دامىتۋ بويىنشا. مەملەكەتتىك جانە وڭىرلىك باعدارلامالار اياسىندا وڭدەۋ ونەركاسىبى سالاسىنداعى شاعىن جانە ورتا كاسىپكەرلىك سۋبەكتىلەرىنە 500 ملن تەڭگەگە دەيىنگى سومادا جەڭىلدىكتى قارجىلاندىرۋ قولجەتىمدى.