قونايەۆ مەكتەپتەرىنە جاڭا اۆتوبۋستار بەرىلدى.
وقۋشىلاردىڭ قاۋىپسىزدىگى مەن تاسىمالىن قامتاماسىز ەتۋ ماقساتىندا وبلىس اكىمدىگى سۋ جاڭا 36 اۆتوبۋس ساتىپ الدى. ليزينگ ارقىلى راسىمدەلگەن قوعامدىق كولىتەردى الۋعا 2 ملرد 272 ملن تەڭگە قاراجات جۇمسالدى.
وبلىس اكىمى مارات سۇلتانعازييەۆ كولىك كىلتتەرىن بەس اۋدانىڭ ءبىلىم ءبولىمى باسشىلارىنا تابىستادى. تالعار، ىلە، ەڭبەكشىقازاق، قاراساي مەن جامبىل اۋداندارىندا وقۋشى تاسىمالى وزەكتى ماسەلە سانالادى. حالىق تىعىز ورنالاسقان اۋداندارداعى 30 مىڭنان استام وقۋشى مەكتەپكە تاسىمالمەن بارىپ وقيدى.
«ەڭ باستىسى، بالالارىمىزدىڭ اماندىعى. بالالارىمىز امان-ەسەن، زامان تالابىنا ساي ءبىلىم الىپ، مەكتەپتەن ۇيىنە، ۇيىنەن مەكتەپكە امان-ەسەن ورالۋى. ءبىزدىڭ نەگىزگى ماقساتىمىز وسىنداي، نەگىزگى جۇمىسىمىز بالالار امان بولسىن. تەك بالالار يگىلىگىنە بۇگىنگى اۆتوبۋستار قىزمەت ەتەدى دەگەن سەنىمدەمىز»، - دەيدى الماتى وبلىستىق ءبىلىم باسقارماسىنىڭ باسشىسى سالتانات بەسپايەۆا.