الماتى اكىمىنىڭ وكىمىمەن ق ر پرەزيدەنتى اكىمشىلىگىنىڭ جانە قالا ءماسليحاتىنىڭ كەلىسىمىمەن الاتاۋ اۋدانىنىڭ اكىمى لاۋازىمىنا تالعات مالىبايەۆ تاعايىندالدى.
تالعات مالىبايەۆ 1987 جىلى 20 جەلتوقساندا قاراعاندى وبلىسىندا دۇنيەگە كەلگەن. قاراعاندى مەملەكەتتىك تەحنيكالىق ۋنيۆەرسيتەتىن «كولىك» ماماندىعى بويىنشا بىتىرگەن.
ەڭبەك جولىن 2010 جىلى قاراعاندى ق. «اگرو-كونسالتينگ – ك» اق ستراتەگيا جانە بيۋدجەتتىك جوسپارلاۋ دەپارتامەنتىنىڭ مامانى رەتىندە باستادى.
ءار جىلدارى قۇرىلىس كومپانيالارىندا جۇمىس ىستەدى، سونداي-اق الماتى قالاسىنىڭ «الماتى جىلۋ جەلىلەرى» جشس-دە، الماتى وبلىسىنىڭ «جەتىسۋ» اكك ۇك اق-دا باسشىلىق قىزمەت اتقاردى. «الماتى قالاسىن دامىتۋ ورتالىعى» اق تكش قىزمەتتەرىنىڭ ساپاسىن ارتتىرۋدىڭ بازالىق باعىتىن ىسكە اسىرۋ توبىنىڭ جەتەكشىسى بولىپ جۇمىس ىستەدى.
2023 جىلى ماۋسىمنان باستاپ قازىرگى تاعايىندالعانعا دەيىن الماتى قالاسى ەنەرگەتيكا جانە سۋمەن جابدىقتاۋ باسقارماسىنىڭ باسشىسى قىزمەتىن اتقاردى.