ءجاسوسپىرىم - ورال قالاسىنىڭ تۇرعىنى.
ورالدا پوليسەيلەر كوپ قاباتتى ءۇيدىڭ شاتىرىنان سەكىرمەك بولعان 15 جاسار قىزدى قۇتقارىپ قالدى، دەپ حابارلايدى اlmaty-akshamy.kz polisia.kz سىلتەمە جاساپ.
102 ارناسىنا كامەلەتكە تولماعان ءجاسوسپىرىمنىڭ جوعالىپ كەتكەنى تۋرالى ءوتىنىش 12 مامىر كەشكە كەلىپ تۇسكەن.
دەپارتامەنتتىڭ بارلىق جەكە قۇرامى ءجاسوسپىرىمدى ىزدەۋگە جۇمىلدىرىلدى. قىز بالا تاڭەرتەڭگى ۋاقىتتا كوپ قاباتتى ۇيلەردىڭ ءبىرىنىڭ توبەسىندە سەكىرگەلى تۇرعان جەرىنەن تابىلدى. يۋۆەنالدى پوليسيا ينسپەكتورلارى رامازان جاديگەروۆ پەن ءادىل ساحيپكەرەيەۆ بالانى ۋاقىتىندا رايىنان قايتارىپ، امان الىپ قالدى.
ءقازىر جاسوسپىرىممەن پسيحولوگتار جۇمىس ىستەپ جاتىر. وقيعانىڭ سەبەپتەرى بويىنشا تەرگەۋ ارەكەتتەرى جۇرگىزىلىپ جاتىر.