2022 جىلى شىلدەدە ۇلتتىق قاۋىپسىزدىك كوميتەتى كاسىپكەرلىك سۋبەكتىلەرىنە زاڭسىز جولمەن 135 ملرد تەڭگە سوماسىنداعى قاراجاتتى قولما-قول اقشاعا اينالدىرۋ جانە سالىق تولەۋدەن جالتارۋعا ۇزاق ۋاقىت بويى كومەكتەسىپ كەلگەن ادامدارعا قاتىستى اۋقىمدى قىلمىستىق ءىستى تەرگەۋدى اياقتادى، دەپ حابارلايدى Almaty-akshamy.kz.
«زاڭعا قايشى ىس-ارەكەتكە 300 ادام، 500-گە جۋىق جالعان كومپانيالار مەن 5 مىڭ كونتراگەنتتەر تارتىلعان بولىپ شىقتى. 5 جەلتوقساندا قاراعاندى قالاسى قازىبەك بي اۋداندىق سوتى وسى ىسكە قاتىسى بار 20 فيگۋرانتتى ق ر قك 216-بابى 3-تارماعى جانە 28-245-بابى 3-تارماعى بويىنشا كىنالى دەپ تانىپ، ءارتۇرلى جازا مەرزىمدەرىنە سوتتادى»، - دەلىنگەن حابارلامادا.
وسى قىلمىستى تەرگەۋدىڭ تاجىريبەسى قازاقستان رەسپۋبليكاسىنداعى كولەڭكەلى ەكونوميكاعا قارسى ءىس-قيمىل بويىنشا جۇمىستىڭ الگوريتمىن جاساپ شىعارۋعا مۇمكىندىك بەردى. جالپى العاندا، ۇلتتىق قاۋىپسىزدىك كوميتەتى قولدانعان شارالار وڭ اسەر ەتىپ، ەلىمىزدەگى قارجىنى زاڭسىز قولما-قول اقشاعا اينالدىرۋ دەڭگەيىن تومەندەتۋگە جاعداي جاسادى. بۇل باعىتتاعى جۇمىس جالعاسۋدا.