بۇل تۋرالى الماتىنىڭ سەيسميكالىق قاۋىپسىزدىك جانە جۇمىلدىرۋ دايىندىعى باسقارماسى باسشىسىنىڭ مىندەتىن اتقارۋشى باتىرحان سۇلەيمەنوۆ ايتتى، دەپ حابارلايدى aqshamnews.kz.
باسقارما بازاسىندا سەيسمولوگتار مەن ساراپشىلار ەنگەن عىلىم جانە تەحنولوگيالار بويىنشا كەڭەس قۇرىلعان. ۆەدومستۆو بۇل كەڭەستىڭ تالقىلاۋىنا «حالىقتى اۆتوماتتى تۇردە ەسكەرتۋ جۇيەسىن 5،5 ماگنيتۋداسىنان كەيىن قوسۋ قانشالىقتى دۇرىس» دەگەن سۇراقتى شىعارعان.
— باستاپقىدا 5،5 ماگنيتۋداسى بويىنشا ەسكەرتۋ جاساۋ كەرەك دەپ ايتىلعان. ءبىراق ماگنيتۋدا ەپيسەنتردە ولشەنەدى، ال ەپيسەنتر قىتايدا، قىرعىزستاندا نە الماتى وبلىسىندا بولۋى مۇمكىن. سوندىقتان بۇل سۇراقتى تالقىعا شىعاردىق. ۇزاق پىكىرتالاستان كەيىن سەيسمولوگيالىق بايقاۋ جانە زەرتتەۋلەر ۇلتتىق عىلىمي ورتالىعىمەن بىرگە اراقاشىقتىقتى انىقتاۋىمىز كەرەك دەگەن قورىتىندىعا كەلدى، — دەدى باتىرحان سۇلەيمەنوۆ.
ايتۋىنشا، جەر سىلكىنىسىنىڭ ەپيسەنترى قالادان 100 شاقىرىم جەردە بولسا، وندا ەسكەرتۋ جۇيەسى ءۇشىن ەڭ تومەنگى ماگنيتۋدا — 1 بولعانى، ەگەر جەر ءدۇمپۋى 200 شاقىرىمنان الىستا بولسا، شەگى ودان جوعارى بولعانى ءجون.
— ويتكەنى اراقاشىقتىق الىس بولعان سايىن سەيسميكالىق ءقاۋىپ تومەن بولادى. جاقىن ارادا سەيسمولوگيا ينستيتۋتى عىلىمي نەگىزدە ءوز قورىتىندىسىن ۇسىنادى. سوعان دەيىن اۆتوماتتاندىرىلعان ەرتە ەسكەرتۋ جۇيەسى مەن Masاlert جەدەل ەسكەرتۋ جۇيەسى تۇزەلەدى، — دەدى ول.