الماتىدا ماس جىگىت ويىن الاڭىنا بومبا قويىلعانى تۋرالى جالعان اقپارات تاراتقان

بومبا قويىلعانى تۋرالى حابارلاما “102” پۋلتىنە ساعات 19:00 شاماسىندا كەلىپ تۇسكەن.

بەلگىسىز بىرەۋ رىسقۇلوۆ جانە مومىش ۇلى كوشەلەرىنىڭ ماڭىنداعى بالالار الاڭىنا جارىلعىش زات قويىلعانىن ايتقان، دەپ حابارلايدى Almaty-akshamy.kz Polisia.kz-كە سىلتەمە جاساپ.

 «نىساندى جەدەل تەكسەرۋ قوڭىراۋدىڭ جالعان ەكەنىن انىقتادى. سونىمەن قاتار، قازىرگى زامانعى قاۋىپسىزدىك جۇيەلەرىمەن تەرروريزم اكتىسى تۋرالى ادەيى جالعان حابارلاما ايتىپ، قوڭىراۋ شالعان ادامدى تابۋ جانە انىقتاۋ قيىن ەمەس. كەشەندى جەدەل ىزدەستىرۋ شارالارى بارىسىندا الماتى قالاسىنىڭ 35 جاستاعى تۇرعىنى انىقتالىپ، ۇستالدى. ا.ەسىمدى ازامات ماس كۇيىندە بولدى جانە نەلىكتەن جالعان قوڭىراۋ شالعانىن ايتا المادى. ەر ادام جاۋاپقا تارتىلادى. ادەتتە، لاڭكەستىك اكتىسى تۋرالى جالعان حابارلامانىڭ سالدارىنان حالىق اراسىندا دۇربەلەڭ تۋىنداپ، ادامداردىڭ ەداۋىر بولىگى جارىلعىش زاتتاردى ىزدەۋگە جانە انىقتاۋعا الاڭدايدى، بارلىق توتەنشە جاعدايلار قىزمەتى جۇمىلدىرىلادى»، – دەدى الاتاۋ اۋداندىق پب-نا قاراستى پوليسيا ءبولىمىنىڭ باسشىسى قۇماربەك كەنشىنبايەۆ.

سونداي-اق سپيكەر لاڭكەستىك اكتىسى تۋرالى قاساقانا جالعان حابارلاعانى ءۇشىن 6 جىلعا دەيىن باس بوستاندىعىنان ايىرۋ جازاسى قولدانىلاتىنىن اتاپ ءوتتى.