جول قۇرىلىسىنا 7 مىڭنان استام مامان جۇمىلدىرىلدى.
بيىلعى جول قۇرىلىسى ماۋسىمى اياسىندا رەسپۋبليكالىق ماڭىزى بار جولدارعا 3 ملن توننادان استام اسفالتبەتون جابىنى توسەلدى. سونىمەن قاتار 18 كوپىر، 6 مال وتكەلى، 325 سۋ وتكىزگىش قۇبىر سالىندى، دەپ حابارلايدى Almaty-akshamy.kz Egemen.kz cىلتەمە جاساپ.
قۇرىلىس-مونتاجداۋ جۇمىستارى «قاراعاندى-بالقاش-الماتى»، «مەركى-بۇرىلبايتال»، «تالدىقورعان-قالباتاۋ-وسكەمەن»، «قالباتاۋ-مايقاپشاعاي»، «اتىراۋ-استراحان»، «اقتوبە-قاندىاعاش»، «ونەگە-بيسەن-سايحين» جانە ت.ب. كۇرەجولداردا جالعاسىپ جاتىر.
بۇگىنگى تاڭدا 200-گە جۋىق ۋچاسكە قۇرىلىس جۇمىستارىمەن قامتىلىپ وتىر. جالپى، رەسپۋبليكالىق ماڭىزى بار 7 مىڭ شاقىرىمعا جۋىق جول قۇرىلىس جۇمىستارىمەن قامتىلدى. ونىڭ ىشىندە 4 مىڭ شاقىرىم كۇرەجولدا قايتا جاڭارتۋ جۇمىستارى جۇرگىزىلسە، قالعان 3 مىڭ شاقىرىم تاسجولدا ورتاشا جانە كۇردەلى جوندەۋ جۇمىستارى ءجۇرىپ جاتىر. جول قۇرىلىسىنا 7 مىڭنان استام مامان مەن 5 مىڭعا جۋىق ارنايى تەحنيكا جۇمىلدىرىلدى.