الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى اۋەزوۆ اۋداندىق پوليسياسىنىڭ جەدەل ۋاكىلدەرىمەن بىرلەسىپ، ەسىرتكى وسىمدىكتەرىن زاڭسىز ءوسىرۋ دەرەگىن انىقتادى، دەپ حابارلايدى aqshamnews.kz.
جەدەل-ىزدەستىرۋ ءىس-شارالارى بارىسىندا پوليسيا قىزمەتكەرلەرى قۇرامىندا ەسىرتكى بار وسىمدىكتەر وسىرىلەتىن، جابدىقتالعان فيتوزەرتحانانى انىقتادى. عيماراتتان وزىنە ءتان ءيىسى بار 31 ءتۇپ وسىمدىكتەر، سونداي-اق ارنايى تەحنيكالار: شامدار، تارازىلار، تىڭايتقىشتار، سۋدىڭ قىشقىلدىعى مەن تەمپەراتۋراسىن ولشەيتىن قۇرىلعىلار تاركىلەندى. ساراپتاماعا سايكەس، وسىمدىكتەر – ماريحۋانا ەسىرتكىسى دەپ تانىلدى، ونىڭ جالپى سالماعى 21 كەلىدەن اسادى. كۇدىكتى قاماۋعا الىنىپ، سوتقا دەيىنگى تەرگەۋ باستالدى.
- مۇنداي ارنايى ءىس-شارالار "پروفيلاكتيكا جىلى" اياسىندا ەسىرتكى قىلمىسىن انىقتاۋ جانە جولىن كەسۋ بويىنشا پوليسيانىڭ جۇيەلى جۇمىسىنىڭ ءبىر بولىگى بولىپ تابىلادى. دەر كەزىندە دەن قويۋعا، قىزمەتتەر اراسىنداعى بەلسەندى ءوزارا ءىس-قيمىلعا جانە جەدەل اقپاراتتى ءتيىمدى پايدالانۋعا باسا نازار اۋدارىلادى، - دەدى، الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇمابايەۆ.