6 ماۋسىمنان باستاپ الماتىدا جوو مەن كوللەدج تۇلەكتەرىن، سونداي-اق جۇمىسسىز جاستاردى جۇمىسقا ورنالاستىرۋعا باعىتتالعان مانساپ كۇندەرى باستالدى. بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا جاستار ساياساتى باسقارماسىنىڭ جانە قالالىق مانساپ ورتالىعىنىڭ وكىلدەرى ايتىپ بەردى، دەپ حابارلۆيدى Almaty-akshamy.kz
بوس ورىن جارمەڭكەلەرى ءبىر اي كولەمىندە مەگاپوليستىڭ بارلىق اۋداندارىندا وتكىزىلەدى.
«وقۋ ورىندارىنىڭ، مەملەكەتتىك قۇرىلىمداردىڭ جانە جۇمىس بەرۋشىلەردىڭ جانە مانساپ ورتالىقتارىنىڭ كۇش-جىگەرىن بىرىكتىرۋ جانە ۇيلەستىرۋ ءۇشىن ءبىز «Depo Evolution Park» جاستار لوفت ورتالىعىنىڭ بازاسىندا قالالىق مانساپ ورتالىعىن قۇردىق. بۇگىنگى تاڭدا جاستار ساياساتى باسقارماسى المالى، مەدەۋ جانە ناۋرىزباي اۋداندارىندا 3 مانساپ كۇنىن وتكىزدى»، - دەدى جاستار ساياساتى باسقارماسى باسشىسىنىڭ ورىنباسارى ءازيز قاجدەنبەك.
400-دەن استام ءىرى كومپانيا جاستارعا 1،5 مىڭنان استام بوس جۇمىس ورنىن ۇسىندى. وسى ءىس-شارالارعا جۇمىسسىز جاستار، جوو، كوللەدج جانە مەكتەپ تۇلەكتەرى قاتارىنان 12 مىڭنان استام جاس قاتىستى، سونىڭ ناتيجەسىندە قازىرگى ۋاقىتتا 200-دەن استام جاس جۇمىسقا ورنالاستى.
«ءىس-شارالار بارىسىندا ءبىز الماتى قالاسى سيفرلاندىرۋ باسقارماسىمەن بىرلەسىپ، ءبىرىڭعاي كوممۋنيكاسيالىق كەڭىستىك شەڭبەرىندە قۇرىلعان «Jobfair 365» جىل بويى وتەتىن سيفرلىق بوس ورىندار جارمەڭكەسىن تانىستىردىق. ونىڭ نەگىزگى مىندەتى - ەڭبەك نارىعىنىڭ بارلىق قاتىسۋشىلارى ءۇشىن تەگىن جانە قاراپايىم قۇرال بولۋ. سونىمەن قاتار، ءبىز 4 وزەكتى ماماندىق بويىنشا: قىزمەت كورسەتۋ سالاسىندا ،ت-ماماندىقتار بويىنشا، قولونەر ماماندىقتارى بويىنشا جانە soft skils بويىنشا جاستارعا ارنالعان قىسقا مەرزىمدى كۋرستاردى ىسكە قوستىق. جاڭا داعدىلاردى يگەرۋ جاستارعا پەرسپەكتيۆالى جانە قىزىقتى ماماندىقتى تاڭداۋعا، جۇمىس تابۋعا، قوعامداعى تاۋەلسىز ومىرگە بەيىمدەلۋگە جانە ءوزىن-وزى جۇزەگە اسىرۋعا مۇمكىندىك بەرەدى»، - دەپ ءبولىستى سپيكەر.
سپيكەردىڭ ايتۋىنشا، NEET جاستارىنىڭ ۇلەسىن ازايتۋعا جانە جۇمىسقا ورنالاستىرۋعا ەرەكشە كوڭىل بولىنەدى (اعىلش. NEET – Not in Education، Employment or Training). بيىلعى جىلدىڭ I توقسانىندا وسى ساناتتاعى جاستاردىڭ ۇلەسى جاستاردىڭ جالپى سانىنىڭ 8،3% -ىن (53 مىڭنان استام جاس) قۇرايدى.
باسقارمانىڭ مالىمەتىنشە، الماتىدا 14-35 جاس ارالىعىنداعى 682 مىڭ جاس نەمەسە تۇرعىنداردىڭ جالپى سانىنىڭ 32% - ى تۇرادى. 255 مىڭ ستۋدەنت قالانىڭ جوعارى وقۋ ورىندارى مەن كوللەدجدەرىندە وقيدى. الدىن الا دەرەكتەر بويىنشا بيىل جوو-لاردى 42 مىڭعا جۋىق، ال كوللەدجدەردى 20 مىڭعا جۋىق ستۋدەنت بىتىرەدى.
«بۇل رەتتە، وتكەن جىلدارداعى تاجىريبە بويىنشا تۇلەكتەردىڭ 80%-ى الماتىدا جۇمىس تابۋعا تىرىسادى، ال بىتىرگەننەن كەيىنگى ءبىرىنشى جىل ىشىندە 10 مىڭعا جۋىعى جۇمىسسىزدار قاتارىندا بولادى»، - دەپ تۇيىندەدى ءا.قاجدەنبەك.