2020 جىلعى 20 قازانداعى №140/2020 بۇيرىققا سايكەس رەانيماسيا بولىمىندە گەموترانسفۋزيا العان پاسيەنتتەر 30 كۇننەن كەيىن ايتۆ-ينفەكسياسىنا باقىلاۋ تالداۋىنان وتۋگە مىندەتتى.
الماتى قالاسى جيتس ورتالىعىنىڭ ماماندارى الماتى قالاسىنىڭ ورتالىق قالالىق كلينيكالىق اۋرۋحاناسىندا (وقكب) ايتۆ وڭ مارتەبەسى بار ءۇش جاعدايدى انىقتادى، دەپ حابارلايدى Almaty-akshamy.kz
انىقتالعان فاكتىلەر نەگىزىندە قوعامدىق دەنساۋلىق ساقتاۋ باسقارماسىنىڭ بۇيرىعىمەن 2023 جىلدىڭ 2 ماۋسىمىندا ددۇ باسشىسىنىڭ ورىنباسارى مەن الماتى قالاسى جيتس ورتالىعىنىڭ قىزمەتكەرلەرىنىڭ توراعالىعىمەن كوميسسيا قۇرىلدى. كوميسسيا ايتۆ-ينفەكسياسىنىڭ بەرىلۋ كوزدەرىن انىقتاۋ بويىنشا ىشكى تەرگەۋ جۇرگىزدى، دونورلار، مەديسينا قىزمەتكەرلەرى جانە بايلانىسقان ادامدار تەكسەرىلدى.
كوميسسيا جۇمىسىنىڭ قورىتىندىسى بويىنشا زەرتتەلگەندەردىڭ بارلىعىنىكى – تەرىس ناتيجە.
قازاقستان رەسپۋبليكاسى دەنساۋلىق ساقتاۋ مينيسترلىگىنىڭ 26.10.2020 ج. №153 بۇيرىعى نەگىزىندە قوعامدىق دەنساۋلىق ساقتاۋ باسقارماسى اعىمداعى جىلدىڭ 13 ماۋسىمىندا كوميسسيانىڭ قورىتىندىسىن الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتىنە (سسەك) بەردى.
2023 جىلدىڭ 14 ماۋسىمىندا دسەگ ق ر دسم قازاق دەرماتولوگيا جانە جۇقپالى اۋرۋلار عىلىمي ورتالىعىنىڭ ماماندارىن تارتا وتىرىپ، وقكب-نى جوسپاردان تىس تەكسەرۋگە باستاماشى بولدى.
تەكسەرۋ ناتيجەلەرى بويىنشا ۋاكىلەتتى ورگاندار ءتيىستى شارالار قابىلدايتىن بولادى.