جيىنعا پالاتا ءتوراعاسى ايدوس سارىم جەتەكشىلىك ەتىپ، ءماجىلىس ۆيسە-سپيكەرى دانيا ەسپايەۆا مەن بيزنەس-قوعامداستىق وكىلدەرى قاتىستى، دەپ حابارلايدى aqshamnews.kz.
ولار جاڭا سالىق كودەكسىنىڭ جوباسىن تالقىلادى.
ايدوس سارىم مەملەكەت باسشىسى قىركۇيەكتەگى جولداۋىندا سالىق زاڭناماسى ماسەلەلەرىن ۇكىمەت پەن پارلامەنتتە جان-جاقتى تالقىلاپ، قاجەتتى شەشىمدەر شىعارۋدى تاپسىرعانىن ەسكە سالدى.
قىركۇيەك ايىنان باستاپ ءماجىلىس جاڭا سالىق كودەكسىنىڭ جوباسىن ازىرلەپ جاتىر. دەپۋتات تۇزەتۋ ەنگىزە بەرمەيتىن، بولاشاقتا تۇراقتى جۇمىس ىستەيتىن كودەكستى قابىلداۋ مىندەتى تۇرعانىن اتاپ ءوتتى.
جاڭا سالىق كودەكسى جوباسىنىڭ نەگىزگى باعىتتارى تۋرالى ۇلتتىق ەكونوميكا ۆيسە-مينيسترى ازامات ءامرين، قارجى مينيسترلىگى مەملەكەتتىك كىرىستەر كوميتەتى ءتوراعاسىنىڭ ورىنباسارى جانىبەك نۇرجانوۆ اقپارات بەردى.
تالقىلاۋ بارىسىندا ءماجىلىس دەپۋتاتى، كودەكس جوباسى بويىنشا جۇمىس توبىنىڭ جەتەكشىسى بەرىك بەيسەنعالييەۆ، ساراپشىلار ەرلان سمايىلوۆ پەن ناتاليا ماليارچۋك، بيزنەس-قوعامداستىق وكىلدەرى مەن ساراپشىلار ءوز ۇسىنىستارىمەن ءبولىستى. اتاپ ايتقاندا، «اتامەكەن» ۇكپ باسقارما ءتوراعاسىنىڭ ورىنباسارى، باسقارما مۇشەسى تيمۋر جاركەنوۆ الەۋمەتتىك سالا ۇيىمدارى، مەديسينا، سونداي-اق تۇرعىن ءۇي جىلجىمايتىن مۇلىكتى باستاپقى ساتۋ بويىنشا قۇرىلىس سالۋشىلار ءۇشىن قوسىمشا قۇن سالىعىنان بوساتۋ جەڭىلدىكتەرىن ساقتاۋدى ۇسىندى.
جيىن بارىسىندا كاسىپكەرلەردىڭ دە پىكىرلەرى تىڭدالدى. ايتىلعان ۇسىنىستار سالىق كودەكسىنىڭ جوباسى بويىنشا الداعى جۇمىس بارىسىندا ماجىلىستە قارالاتىن بولادى.
جيىن سوڭىندا ۆيسە-سپيكەر دانيا ەسپايەۆا جالپى سالىق كودەكسىنىڭ جوباسىن تالقىلاۋعا جانە جيىنعا بەلسەنە قاتىسقانى ءۇشىن مەملەكەتتىك ورگاندار مەن بيزنەس وكىلدەرىنە العىسىن ءبىلدىردى. ول ءوز سوزىندە بيۋدجەت تاپشىلىعى ماسەلەسىنە توقتالىپ، ونى تولىقتىرۋ ادىستەرىنىڭ ءبىرى – سالىق بازاسىن ۇلعايتۋ ەكەنىن اتاپ ءوتتى.