4 قازاننان 16 قاراشاعا دەيىن قازاق مەملەكەتتىك سيركتە Magic Circus Tango اۋقىمدى حالىقارالىق قويىلىم وتەدى، دەپ حابارلايدى aqshamnews.kz
قازاقستاندا العاش رەت ءبىر ساحنادا ەكى اڭىزعا اينالعان ترۋپپا ونەر كورسەتەدى: اتاپ ايتساق، قۇرىلعانىنا 145 جىل تولعان ماسكەۋدەگى يۋريي نيكۋلين اتىنداعى «سۆەتنوي بۋلۆار» سيركى جانە 55 جىلدىق شىعارماشىلىق مەرەيتويىن اتاپ ءوتىپ وتىرعان قازاق مەملەكەتتىك سيركى.
كورەرمەندەردى مونتە-كارلو، جيرونا، سەن-پول-لە-داكس، ماسكەۋ جانە سانكت-پەتەربۋرگتەگى ايتۋلى فەستيۆالدەردىڭ لاۋرەاتى بولعان الەمدىك سيرك ونەرى جۇلدىزدارىنىڭ ەرەكشە باعدارلاماسى كۇتەدى. قويىلىمدا سيركتىڭ ۇزدىك جانرلارى توعىسادى: اۋە گيمناستيكاسى، ەكۆيليبريستيكا، سيقىرلى ترانسفورماسيا، سونداي-اق حالىقارالىق دەڭگەيدەگى سايقىمازاقتار مەن اكروباتتاردىڭ ونەرى.
بيلەتتەر سيرك كاسسالارىندا جانە بيلەت وپەراتورىنىڭ سايتىندا ساتىلادى.