الماتى قالاسىنىڭ تىنىس-تىرشىلىگىن قالپىنا كەلتىرۋ جونىندەگى قالالىق شتاب وتىرىسىندا سويلەگەن سوزىندە مەگاپوليس اكىمى كۆي-عا قارسى ۆاكسيناسيا جانە ريەۆاكسيناسيا جۇمىستارىن كۇشەيتۋدى تاپسىردى، دەپ حابارلايدى اlmaty-akshamy.kz.
الماتى قالاسى قوعامدىق دەنساۋلىق باسقارماسىنىڭ باسشىسى ناريمان تابىنبايەۆتىڭ ايتۋىنشا، 24 قاڭتارداعى جاعداي بويىنشا قالادا كوروناۆيرۋستىق ينفەكسيانىڭ 205 667 جاعدايى تىركەلگەن، ونىڭ ىشىندە 180 006-سى سيمپتومدى جانە 25 661ء-ى سيمپتومسىز، 2 910-ى انىقتالماعان پنيەۆمونيا.
ينفەكسيالىق ستاسيونارلاردا (3310 توسەك-ورىن) 1514 ادام (ونىڭ ىشىندە ۆاكسينالانعاندار 387، 189 بالا)، ونىڭ ىشىندە 42ء-سى وتە اۋىر، 274ء-ى اۋىر، 1098ء-ى ورتاشا دارەجەدە اۋىر، 199-ى جەڭىل، 1ء-ى سيمپتومسىز.
الماتى قالاسىندا حالىقتى كوروناۆيرۋستىق ينفەكسيادان جاپپاي ۆاكسيناسيالاۋ جالعاسۋدا.
ن. تابىنبايەۆتىڭ ايتۋىنشا، ۆاكسيناسيالاۋ ءۇشىن مەديسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلاردا جانە قالانىڭ سوسو-دا 250 ەگۋ پۋنكتىن ىسكە قوسۋ جوسپارلانۋدا. بۇگىنگى كۇنى ونىڭ 119 پۋنكتى جۇمىس ىستەيدى، تولىق رەجيمدە 520 ادامنان تۇراتىن 140 ەگۋ بريگاداسى جۇمىس ىستەيدى.
كۇن سايىن حالىق اراسىندا جەتەكشى ب ا ق، ينتەرنەت-پورتالدار، «الماتى» تەلەارناسى، الەۋمەتتىك جەلىلەر ارقىلى ءاقپاراتتىق-تۇسىندىرۋ جۇمىستارى جۇرگىزۋدە.
بۇگىنگى كۇنى بارلىعى 1 099 187 ادام ۆاكسيناسيالاندى، ونىڭ ىشىندە 24 695 قۇقىق قورعاۋ ورگاندارىنىڭ قىزمەتكەرلەرى (پوليسيا، تجم، قورعانىس مينيسترلىگى، ۇقك، ءىىم، ق ر مەملەكەتتىك كۇزەت قىزمەتىنىڭ قىزمەتكەرلەرى)، 35 546 (100%) پەداگوگ، 38 983 (100%) مەديسينا قىزمەتكەرلەرى.
Pfizer ۆاكسيناسىن 37 757 ادام الدى، ونىڭ ىشىندە 2030 جۇكتى ايەل، 8173 بالا ەمىزەتىن ايەل، 27 554 بالا.
بۇدان باسقا، قالادا كۆي ريەۆاكسيناسياسى جۇرگىزىلۋدە. بۇگىنگى تاڭدا 116 853 ادام قايتا ۆاكسيناسيالاندى (Pfizer – 8 674)، ونىڭ ىشىندە 18 306 مەديسينا قىزمەتكەرى جانە 60 جاستان اسقان 6325 ادام.
الماتى اكىمى باقىتجان ساعىنتايەۆ قالادا «وميكرون» نۇسقاسىنىڭ تەز تارالۋىن ەسكەرە وتىرىپ، ۆاكسيناسيا جانە ريەۆاكسيناسيا بويىنشا جۇمىستى كۇشەيتۋدى تاپسىردى. الماتىلىقتارعا ارناعان سوزىندە اكىم ۆاكسينالاۋدى كەشىكتىرمەۋگە، ال ودان وتكەن ادامدارعا بۋستەرلىك ەگۋدى قويۋعا كەڭەس بەردى.