AIGA گرەپپلينگ ءتۋرنيرى ءداستۇرلى تۇردە حالىقارالىق ناشاقورلىق پەن ەسىرتكى بيزنەسىنە قارسى كۇرەس كۇنىنە ارنالعان.
تۋرنيرگە قازاقستان، قىرعىزستان، وزبەكستان، بىرىككەن اراب امىرلىكتەرىنەن 400 جاس سپورتشى جانە جانۇيا بالالار ءۇيىنىڭ تاربيەلەنۋشىلەرى قاتىستى.
- 26 ماۋسىم – حالىقارالىق ناشاقورلىققا قارسى كۇرەس كۇنى، وسىعان بايلانىستى رەسپۋبليكا اۋماعىندا ەسىرتكىگە قارسى ءىس-شارالار ايلىعى وتكىزىلۋدە. بۇگىنگى تۋرنير دە ەرەكشەلىك ەمەس. جالپىۇلتتىق ماسەلە رەتىندە بەلگىلەنگەن ورتاق ماقساتقا قولداۋ كورسەتكەن ۇيىمداستىرۋشىلارعا العىسىمىزدى بىلدىرەمىز، - دەدى الماتى قالالىق پوليسيا دەپارتامەنتى باستىعىنىڭ ورىنباسارى ولجاس مىرزابەكوۆ.
سونداي-اق شاراعا AIGA وبلىستىق جانە قالالىق گرەپپلينگ فەدەراسياسىنىڭ وكىلدەرى، قىرعىز رەسپۋبليكاسىنىڭ دجيۋ-دجيتسۋ فەدەراسياسىنىڭ ارنايى شاقىرىلعان پرەزيدەنتى ساماربەك سابىرجان ۇلى، سونداي-اق وبلىستىق ءماسليحات دەپۋتاتتارى، بەلگىلى سپورتشىلار مەن بەلسەندى جاستار قاتىستى. سونىمەن قاتار شارادا جقاج قىزمەتكەرلەرىنىڭ ونەرى كورسەتىلدى.
- ناشاقورلىق – ۇلت دەنساۋلىعىنا تونەتىن ۇلكەن قاتەر، ەلباسى ءوز جولداۋىندا سالاۋاتتى ءومىر سالتى – ەڭ الدىمەن ءاربىر ادامنىڭ ءوز بولاشاعىنىڭ كەپىلى ەكەنىن اتاپ ءوتتى. وسىنداي ارەكەتتەردىڭ ارقاسىندا ءبىز بولاشاق ۇرپاقتىڭ پىكىرىن وزگەرتىپ، جاقسىلىققا باعىتتاي الامىز، - دەدى س.نۇرماعامبەتوۆ اتىنداعى “Sagadat Batyr” سپورت كلۋبىنىڭ پرەزيدەنتى ەربولات تۇرىمبەتوۆ.
تۋرنيردە جەڭىمپاز اتانعان سپورتشىلار مەدالدارمەن، سىيلىقتارمەن جانە كۋبوكتارمەن ماراپاتتالدى.