ينفەكسيا جۇقتىرعانداردىڭ اراسىندا «ستەلس-وميكرون» شتامى باسىم
الماتىدا 16-28 ماۋسىم ارالىعىندا 352 كوروناۆيرۋس ينفەكسياسىن جۇقتىرعان ادام تىركەلسە، ونىڭ ىشىندە ۆاكسينا الماعاندار 222 ادام (63%). 2022 جىلدىڭ باسىنان بەرى قالادا كۆي بويىنشا 55 322 جاعداي تىركەلگەن، دەپ حابارلايدى اlmaty-akshamy.kz.
الماتى قالاسى قوعامدىق دەنساۋلىق ساقتاۋ باسقارماسى مەن الماتى قالالىق سانيتارلىق-ەپيدەميولوگيالىق باقىلاۋ دەپارتامەنتىنىڭ 2022 جىلعى 24 ماۋسىمداعى بىرلەسكەن بۇيرىعىمەن كوروناۆيرۋس جۇقتىرعان ناۋقاستاردى ەمدەۋگە ارنالعان توسەك-ورىن سانى 135-كە دەيىن ۇلعايتىلدى.
2022 جىلعى 29 ماۋسىم كۇنى تاڭەرتەڭگى جاعداي بويىنشا، جۇقپالى اۋرۋلار اۋرۋحاناسىندا 48 پاسيەنت ەمدەلىپ جاتىر. اۋرۋحاناعا تۇسكەندەردىڭ ىشىندە 10 جۇكتى ايەل بار، ولاردىڭ ەشقايسى ۆاكسينا الماعاندار. ءۇي كارانتينىندە 269 پاسيەنت بار، ولاردىڭ 80%-عا جۋىعى ۆاكسينا الماعاندار.
ينفەكسيا جۇقتىرعانداردىڭ اراسىندا «ستەلس-وميكرون» شتامى باسىم. بولجام بويىنشا، بۇل مۋتاسيا بۇگىندە اينالىمدا، ال بۇل ينفەكسيانىڭ ۇدەمەلى ءوسۋىن تۋدىرادى. ناۋقاستارداعى كلينيكالىق سيپاتتا كوبىنەسە كاتارالدى قۇبىلىستار باسىم بولادى: دەنە قىزۋى، جوتەل، تاماق اۋرۋى، السىزدىك، ت.ب.
بۇگىندە قالادا مەديسينالىق ۇيىمداردا 96 ۆاكسينالاۋ پۋنكتى جانە 175 ۆاكسينالاۋ بريگاداسى جۇمىس ىستەيدى.
الماتىدا ۆاكسينالانۋ ءۇشىن كەلەسى پرەپاراتتاردىڭ دوزالارىن الۋعا بوولادى، ولار: QazVac، Vero Cell، Pfizer.