قالانىڭ ورنىقتى دامۋى ءۇشىن بازالىق قاجەتتىلىكتەردى قاناعاتتاندىرۋ، ەرەكشە قاجەتتىلىكتەرىنە، الەۋمەتتىك مارتەبەسىنە، جىنىسى مەن جاسىنا قاراماستان، بارلىق قالا تۇرعىندارى ءۇشىن الەۋمەتتىك يگىلىكتەرگە تەڭ قولجەتىمدىلىكتى قامتاماسىز ەتۋ قاجەت.
بۇل تۋرالى الماتى قالاسىنىڭ اكىمدىگى مەن «الماتى قالاسىن دامىتۋ ورتالىعى» اق «الماتى قالاسىن دامىتۋدىڭ 2025 جىلعا دەيىنگى جوسپارىنىڭ نەگىزگى باسىمدىقتارى جانە 2030 جىلعا دەيىنگى ورتا مەرزىمدى پەرسپەكتيۆالارى» اتتى جوباسىندا ايتىلعان، دەپ حابارلايدى Almaty-akshamy.kz.
ينكليۋزيۆتىلىكتى، الەۋمەتتىك ورنىقتىلىقتى جانە تۇراقتىلىقتى ارتتىرۋ ءۇشىن مەگاپوليستە 5 باستاما ىسكە اسىرىلادى
- ەرەكشە قاجەتتىلىكتەرى بار ازاماتتار ءۇشىن كەدەرگىسىز ورتا ۇيىمداستىرۋ جانە بالا كەزىنەن تولەرانتتىلىق مادەنيەتىن قالىپتاستىرۋ؛
- كورسەتىلەتىن قىزمەتتەرگە قاناعاتتانۋشىلىقتى، ونىڭ ساپاسىن جانە قولجەتىمدىلىگىن ارتتىرۋ ءۇشىن ءبىلىم بەرۋ جانە دەنساۋلىق ساقتاۋ جۇيەسىن جاڭعىرتۋ؛
- جاستاردىڭ دامۋى ءۇشىن تەڭ مۇمكىندىكتەر جاساۋ؛
- قالا تۇرعىندارى مەن قوناقتارى ءۇشىن ماڭىزدى جانە الۋان ءتۇرلى مادەني شارالار جيىنتىعى؛
- سالاۋاتتى ءومىر سالتى مەن جوعارى جەتىستىكتەر سپورتى ءۇشىن دامىعان ينفراقۇرىلىم.
2030 جىلعا قاراي الماتى ينفراقۇرىلىمىنىڭ قولجەتىمدىلىگىن 10%-تەن 75%-كە دەيىن ۇلعايتۋ كوزدەلىپ وتىر.
وقۋشى ورىندارىنىڭ تاپشىلىعىن 19،6 مىڭنان باسقارىلاتىن تاپشىلىققا دەيىن، ياعني 2025 جىلعا قاراي 7،3 مىڭعا دەيىن جانە 2030 جىلعا قاراي 4،3 مىڭعا دەيىن حالىقتىڭ ءوسۋىن ەسكەرە وتىرىپ ازايادى.
2025 جىلعا قاراي 3-6 جاستاعى بالالاردى مەكتەپكە دەيىنگى تاربيەمەن جانە وقىتۋمەن قامتۋدى 92%-تەن 97%-كە دەيىن، 2030 جىلعا قاراي 99%-كە دەيىن ۇلعايتىلادى. 2030 جىلعا دەيىن قالالىق 5 وقۋ ورنىنىڭ بازاسىندا تانىمال حالىقارالىق مەكتەپتەردىڭ برەندىمەن جانە باسقارۋىمەن الەمدىك دەڭگەيدەگى مەكتەپتەر قۇرىلادى.
الماتىنىڭ بولاشاعىنا بەيجاي قاراماڭىز. ءوز پىكىرىڭىزدى 1 شىلدەگە دەيىن تومەندەگى سىلتەمە ارقىلى «الماتى قالاسىن دامىتۋ ورتالىعى» اق سايتىندا قالدىرىڭىز.