قۇستاردىڭ سىنامالارىنان ان5 قۇس تۇماۋى انىقتالىپ وتىر.
قاشاعان كەن ورنىنىڭ ەكى جاساندى ارالىندا «شاعالا» (قارا-الا تۇقىمدى) قۇستارىنىڭ جاپپاي قىرىلۋ فاكتىلەرى انىقتالدى. ءقازىر سانى 2750 – گە جەتتى، دەپ حابارلايدى Almaty-akshamy.kz.
وسىعان بايلانىستى اتىراۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسى ارنايى كوميسسيا قۇرىپ، اتالعان ايماققا اتتاندى.
«قۇستاردىڭ ءولۋ سەبەبىن انىقتاۋ ماقساتىندا - سۋ، توپىراق جانە اۋا سىنامالارى، ونىمەن قاتار قۇستاردىڭ ولەكسەلەرى زەرتتەۋگە الىندى.زەرتتەۋ ناتەجيەسىندە، ولگەن قۇستاردىڭ سىنامالارىنان ان5 قۇس تۇماۋى انىقتالىپ وتىر»،- دەلىنگەن ەكولوگيا، گەولوگيا جانە تابيعي رەسۋرستار مينيسرلىگىنىڭ حابارلاماسىندا.
قازىرگى ۋاقىتتا اتىراۋ وبلىسىنىڭ اۋماعىندا قۇستاردىڭ جاعدايىنا تولىق مونيتورينگ جۇرگىزىلۋدە.
ەستەرىڭىزگە سالا كەتسەك، بۇدان بۇرىن اتىراۋ وبلىسىندا قۇستار قىرىلىپ جاتقانى تۋرالى حابار تاراعان بولاتىن.