الماتىدا راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ كۋرسانتتارى وزدەرىنىڭ سايلاۋ ۋچاسكەسىندە ءبىرىنشى بولىپ داۋىس بەردى، - دەپ حابارلايدى almaty-akshamy.kz
بۇل ينستيتۋت – ستراتەگيالىق ماڭىزدى وبەكت. كۋرسانتتار اۋماقتان شىعا المايدى. تاڭەرتەڭگى ساعات 6-دا جوو عيماراتىندا ورنالاسقان № 143 سايلاۋ ۋچاسكەسىنە كىرەر الدىندا 400-دەن استام كۋرسانت جينالدى.
بولاشاق وفيسەرلەردىڭ ءبىرى – داستان قانات راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ باسقا كۋرسانتتارى قۋانىش ايۋباي جانە سەرگەي ليمەن بىرگە كەشە عانا سايلاۋ قارساڭىندا سانكت – پەتەربۋرگتەن كەلدى، وندا قازاقستاندىق اسكەري جوو كومانداسى تمد-عا قاتىسۋشى مەملەكەتتەردىڭ جوعارى ءبىلىم بەرۋ ۇيىمدارى كۋرسانتتارىنىڭ VII حالىقارالىق وليمپياداسىندا ءساتتى ونەر كورسەتتى. وليمپيادا قورىتىندىسى بويىنشا قازاقستاندىق كوماندا وزبەكستان مەن رەسەيدىڭ باعدارلاماشىلارىنان جەڭىلىپ، ءۇشىنشى ورىنعا يە بولدى.
«مەن ۆيرەيس-تىڭ 5-كۋرس كۋرسانتىمىن. بۇگىن ەلىمىزدىڭ دامۋى ءۇشىن ايتۋلى كۇن. بارلىق كۋرسانت سانالى تۇردە ءوز تاڭداۋىن جاسادى. مەن ينستيتۋت قابىرعاسىندا سايلاۋعا قاتىسىپ، قازاقستاننىڭ سەنىمدى بولاشاعى ءۇشىن ءوز داۋىسىمدى بەرگەنىمە وتە قۋانىشتىمىن. مەنىڭ ويىمشا، ق ر ءاربىر ازاماتى مۇنى جاۋاپكەرشىلىكپەن جاساۋى كەرەك جانە سايلاۋدا حالىق تاڭداعان كانديداتتار مەن پارتيالار جەڭىسكە جەتەتىنىنە سەنىمدىمىن»،-دەيدى كۋرسانت داستان قانات.