الماتىداعى كوپتەگەن سايلاۋ ۋچاسكەسىندە تاڭعى 7-دەن باستاپ داۋىس بەرۋگە بارعاندار قاتارى قالىڭ.
ولاردىڭ ىشىندە المالى اۋدانىنىڭ №144 مەكتەپ-گيمنازياسىنىڭ عيماراتىندا ورنالاسقان №60 سايلاۋ ۋچاسكەسى بار، دەپ حابارلايدى Almaty-akshamy.
«ءبىزدىڭ ۋچاسكەدەگى بيۋللەتەندەر سانى – 2644. داۋىس بەرۋ ۋاقىتى اياقتالعانشا سايلاۋشىلاردىڭ سانى ءالى دە وسەدى دەپ كۇتىلۋدە. تاڭەرتەڭنەن باستاپ داۋىس بەرگىسى كەلەتىندەر وتە كوپ. ءبىز 18 جاسقا تولىپ، العاش رەت داۋىس بەرۋگە كەلگەن سايلاۋشىلار ءۇشىن «قازاقستان» شوكولادى مەن جالاۋلار دايىندادىق»،-دەدى ۋچاسكەلىك سايلاۋ كوميسسياسىنىڭ حاتشىسى ۆەنەرا قىستاۋوۆا.
ونىڭ ايتۋىنشا، سايلاۋ ۋچاسكەسىنە ءارتۇرلى جاستاعى ازاماتتار بارادى. ءبىرازى باسقا جۇمىستارىمەن الاڭسىز اينالىسۋ ءۇشىن ەرتەرەك داۋىس بەرىپ كەتەدى. مىسالى، ەنەرگەتيك مەلديحان سمايىلوۆ ءۇشىن جەكسەنبى كۇنگى جۇمىس ازاماتتىق بورىشىن ورىنداۋعا كەدەرگى ەمەس. ال كەيبىر ازاماتتار تۇنگى كەزەكشىلىكتەن كەيىن داۋىس بەرەدى.
ەستەرىڭىزگە سالا كەتەيىك، سايلاۋ ۋچاسكەلەرى 20.00-گە دەيىن جۇمىس ىستەيدى. ءالى داۋىس بەرىپ ۇلگەرمەگەندەر ءوزىنىڭ سايلاۋ ۋچاسكەسىنە بارىپ، جەكە كۋالىگى ارقىلى داۋىس بەرە الادى.