الماتى وبلىسىنىڭ وڭتۇستىگىندە جانە تاۋلى ايماقتارىندا تۇمان تۇسەدى دەپ كۇتىلەدى
بۇگىن قازاقستاننىڭ 11 وبلىسىندا قار بوراپ، اينالانى تۇمان باسىپ، جەلدىڭ كۇشەيۋى بولجاندى، دەپ حابارلايدى Almaty-akshamy.kz "قازگيدرومەت" رمك-عا سىلتەمە جاساي وتىرىپ.
تۇندە اتىراۋ وبلىسىنىڭ باتىسىندا، وڭتۇستىگىندە جاياۋ بۇرقاسىن جۇرەدى دەپ كۇتىلەدى. وبلىستىڭ سولتۇستىگىندە تۇمان تۇسەدى. وبلىستىڭ وڭتۇستىگىندە، شىعىسىندا جانە ورتالىعىندا شىعىستان، سولتۇستىك شىعىستان سوققان جەلدىڭ ەكپىنى 15-20 م/س قۇرايدى. اتىراۋدا تۇندە بوران سوعادى دەپ كۇتىلەدى. شىعىستان، سولتۇستىك شىعىستان سوققان جەلدىڭ ەكپىنى 15-20 م/س بولادى.
كۇندىز تۇركىستان وبلىسىنىڭ تاۋلى ايماقتارىندا قاتتى جاڭبىر جاۋىپ، نايزاعاي وينايدى دەپ كۇتىلەدى. وبلىستىڭ سولتۇستىگىندە تۇمان تۇسەدى. تاڭەرتەڭ جانە تۇستەن كەيىن ءوڭىردىڭ باتىسىندا، وڭتۇستىگىندە، تاۋلى اۋداندارى مەن تاۋ بوكتەرىندە وڭتۇستىك شىعىستان وڭتۇستىك باتىسقا ويسا سوققان جەلدىڭ ەكپىنى 15-20 م/س قۇرايدى، تاۋ اسۋلارىندا جەلدىڭ ەكپىنى 25 م/س جەتەدى. شىمكەنتتە تاڭەرتەڭ جانە تۇستەن كەيىن وڭتۇستىك شىعىستان وڭتۇستىك باتىسقا ويىسا سوققان جەلدىڭ ەكپىنى 15-20 م/س بولادى دەپ كۇتىلەدى.
اقتوبە وبلىسىنىڭ سولتۇستىگىندە تۇمان بولادى. وبلىستىڭ ورتالىعىندا، وڭتۇستىگىندە سولتۇستىك شىعىستان، سولتۇستىكتەن سوققان جەلدىڭ ەكپىنى 15-20 م/س قۇرايدى.
تۇندە جانە تاڭەرتەڭ جەتىسۋ وبلىسىنىڭ وڭتۇستىگىندە، ورتالىعىندا جانە تاۋلى اۋداندارىندا تۇمان بولادى دەپ كۇتىلەدى. كۇندىز الاكول اۋدانىندا سولتۇستىك شىعىستان سوققان جەلدىڭ ەكپىنى 15-20 م/س جەتەدى. تالدىقورعاندا تۇندە جانە تاڭەرتەڭ تۇمان بولادى دەپ كۇتىلەدى.
اقمولا وبلىسىنىڭ سولتۇستىگىندە، شىعىسىندا قارلى بوران بولادى دەپ بولجانادى. وبلىستىڭ سولتۇستىگىندە، باتىسىندا، وڭتۇستىگىندە تۇمان ءتۇسۋى ىقتيمال.
ماڭعىستاۋ وبلىسىنىڭ باسىم بولىگىندە كوكتايعاق بولادى دەپ كۇتىلەدى. وبلىستىڭ سولتۇستىگىندە قارلى بوران سوعىپ، ءوڭىردىڭ سولتۇستىك-شىعىسىندا، سولتۇستىگىندە، وڭتۇستىك-باتىسىندا ونىڭ ەكپىنى 15-20 م/س جەتەدى.
الماتى وبلىسىنىڭ وڭتۇستىگىندە جانە تاۋلى ايماقتارىندا تۇمان تۇسەدى دەپ كۇتىلەدى. الماتىدا دا تۇمان بولادى. قونايەۆ قالاسىن دا تۇمان ورايدى دەپ بولجانادى.
شىعىس قازاقستان وبلىسىنىڭ وڭتۇستىگىندە تۇمان تۇسەدى دەپ كۇتىلەدى.
اباي وبلىسىنىڭ وڭتۇستىگىندە دە تۇمان بولادى.
باتىس قازاقستان وبلىسىنىڭ وڭتۇستىك باتىسىندا، وڭتۇستىگىندە سولتۇستىك شىعىستان سوققان جەلدىڭ ەكپىنى 15-20 م/س قۇرايدى.