جۇمىس ساپارى بارىسىندا الماتى اكىمى باقىتجان ساعىنتايەۆ اۋەزوۆ اۋدانىنداعى سەيسميكالىق كۇشەيتۋ جانە كۇردەلى جوندەۋ جۇرگىزىلگەن بالاباقشا عيماراتىن ارالاپ كوردى، دەپ حابارلايدى اlmaty-akshamy.kz
№186 بوبەكجاي-بالاباقشا اۋەزوۆ اۋدانىنىڭ "اقساي-4" شاعىناۋدانىندا ورنالاسقان. عيماراتتىڭ جالپى الاڭى – 4343 ش.م. 315 ورىندىق بالاباقشادا سەيسميكالىق كۇشەيتۋ، قالپىنا كەلتىرۋ جۇمىستارى جانە عيماراتقا كۇردەلى جوندەۋ جۇمىستارى جۇرگىزىلدى.
باقىتجان ساعىنتايەۆ اتالعان بالاباقشانىڭ اشىلۋى بۇرىن جالعا بەرىلگەن مەملەكەتتىك بالاباقشالاردىڭ عيماراتتارىن قايتارۋ جونىندەگى قالالىق باعدارلامانىڭ ناتيجەسىندە مۇمكىن بولعانىن اتاپ ءوتتى.
ەسكە سالساق، اعىمداعى جىلى 360 ورىندىق ءۇش مەملەكەتتىك بالاباقشانىڭ قۇرىلىسى اياقتالدى. 280 ورىندىق تاعى ءبىر بالاباقشانىڭ قۇرىلىسى جالعاسۋدا، پايدالانۋعا بەرۋ 2022 جىلعا جوسپارلانعان.
سونىمەن قاتار، 4658 ورىندىق 72 جەكەمەنشىك بالاباقشا اشىلدى. مەملەكەتتىك ءبىلىم بەرۋ تاپسىرىسى 30 460 ورىندىق 519 جەكەمەنشىك بالاباقشادا ورنالاسقان. اعىمداعى جىلدىڭ سوڭىنا دەيىن 250 ورىندىق تاعى بەس جەكەمەنشىك مەكتەپكە دەيىنگى ۇيىم اشۋ جوسپارلانعان.
قازىرگى كەزدە قالادا 1 جاستان 6 جاسقا دەيىنگى بالالاردىڭ 64،2%-ى، 3 جاستان 6 جاسقا دەيىنگى بالالاردىڭ 90،6%-ى مەكتەپكە دەيىنگى تاربيەمەن قامتىلعان.