بۇگىندە الماتى پوليسياسى گارنيزونىندا التى مىڭنان استام ادام بار. ەل تاۋەلسىزدىگىنىڭ 30 جىلدىعىن مەرەكەلەۋ قۇرمەتىنە وراي قىزمەتىندە جوعارى كورسەتكىشتەرگە جەتكەن ءارى ءوز ءىسىنىڭ كاسىبي ماماندارى بولىپ سانالاتىن پوليسەيلەر ماراپاتتالدى، دەپ حابارلايدى اlmaty-akshamy.kz
الماتى قالاسىنىڭ اكىمى باقىتجان ساعىنتايەۆ ءتارتىپ ساقشىلارىنا مەدالدار، قۇرمەت گراموتالارىن سالتاناتتى تۇردە تاپسىردى.
«بارشا قازاقستاندىقتار ءۇشىن قاسيەتتى كۇن – تاۋەلسىزدىكتىڭ 30 جىلدىق مەرەيتويى قارساڭىندا ءبىز قوعام قايراتكەرلەرىنىڭ، مۇعالىمدەردىڭ، دارىگەرلەردىڭ، ارينە، پوليسەيلەردىڭ ەڭبەگىن اتاپ وتەمىز. سىزدەر حالىقتىڭ كونستيتۋسيالىق قۇقىقتارى مەن بوستاندىقتارىن قورعاۋداسىزدار، الماتىدا قوعامدىق قاۋىپسىزدىكتى قامتاماسىز ەتەسىزدەر. ەڭ باستىسى، قالا تۇرعىندارى وزدەرىنىڭ قورعالعانىن سەزىنۋى كەرەك. ول ءۇشىن ءبىز قاجەتتىنىڭ ءبارىن جاسايمىز»، - دەدى باقىتجان ساعىنتايەۆ ءارى جينالعانداردى كەلە جاتقان تاۋەلسىزدىك كۇنىمەن قۇتتىقتادى.
قازاقستان رەسپۋبليكاسىنىڭ تاۋەلسىزدىك كۇنىن مەرەكەلەۋگە بايلانىستى ىشكى ىستەر ءمينيسترىنىڭ بۇيرىعىمەن، الماتى قالاسى اكىمىنىڭ وكىمىمەن جانە پد بۇيرىعىمەن قىزمەتتىك مىندەتتەرىن ادال اتقارعانى، كاسىبيلىگى، قىزمەتتەگى جوعارى كورسەتكىشتەرى ءۇشىن 200-دەن استام قىزمەتكەر ماراپاتتالدى.
«تاۋەلسىزدىك مەرەكەسى – ۇلكەن كۇش-جىگەردىڭ ارقاسىندا وسى ۇزاق مەرزىمدى قۇندىلىققا قول جەتكىزگەن ادامداردىڭ كوپتەگەن ۇرپاقتارىنا قۇرمەت. ءبىزدىڭ الدىمىزدا ءتيىستى قوعامدىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋ مىندەتى تۇر. بۇل ءبىزدىڭ كونستيتۋسيالىق جانە كاسىبي پارىزىمىز جانە ونى جوعارى ۇيىمداستىرۋشىلىق جانە ساپالى دەڭگەيدە ورىنداۋ – دەپارتامەنت ورگاندارى مەن بولىمشەلەرىنىڭ بارلىق قىزمەتكەرلەرىنىڭ قۇرمەتتى مىندەتى»، - دەپ اتاپ ءوتتى الماتى پوليسيا دەپارتامەنتىنىڭ باسشىسى قانات تايمەردەنوۆ.
وكىنىشكە وراي، وسى جىلدار ىشىندە قىلمىسپەن كۇرەستە 78 الماتىلىق پوليسەي قازا تاپتى. ولار وتان الدىنداعى بورىشىن ەرلىكپەن جانە ادال ورىندادى. ولاردىڭ باتىلدىعى مەن باتىرلىعى قۇرمەتكە لايىق جانە ەلىمىزدىڭ بولاشاعى ءۇشىن قىزمەت ەتەتىن بارلىق پوليسيا قىزمەتكەرلەرىنە ۇلگى بولادى.
الماتى قالاسىنىڭ اكىمى باقىتجان ساعىنتايەۆ كەلەسى قىزمەتكەرلەردى ماراپاتتادى:
- پوليسيا پولكوۆنيگى ءابدىراحمانوۆ رۋستام تۇرالى ۇلى – پد باسشىسىنىڭ ورىنباسارى،
- پوليسيا پولكوۆنيگى ساتتاروۆ ماناپ اعزام ۇلى – جەرگىلىكتى پوليسيا قىزمەتى باسقارماسىنىڭ باسشىسى،
- پوليسيا پودپولكوۆنيگى الماعامبەتوۆ ەرلان داۋلەت ۇلى – ەسىرتكى قىلمىسىنا قارسى ءىس-قيمىل باسقارماسىنىڭ باسشىسى،
- ءابىلحايىر ۇلانبەك باۋىرجان ۇلى – اۋەزوۆ اۋداندىق پوليسيا باسقارماسىنىڭ باسشىسى،
- پوليسيا پولكوۆنيگى اۋحادييەۆ دۋمان عابيدوللا ۇلى – بوستاندىق اۋدانى پوليسيا باسقارماسىنىڭ باسشىسى،
- پوليسيا لەيتەنانتى اسقاروۆ داستان داۋرەن ۇلى – الاتاۋ اۋداندىق پوليسيا باسقارماسىنىڭ جەدەل ۋاكىلى،
- پوليسيا لەيتەنانتى ورىمبەك ءابىلحان اسىلحان ۇلى – الاتاۋ اۋداندىق پوليسيا باسقارماسىنىڭ تەرگەۋشىسى،
- پوليسيا لەيتەنانتى باۋدينوۆ تاحير ازات ۇلى – مەدەۋ اۋداندىق پوليسيا باسقارماسىنىڭ ۋچاسكەلىك ينسپەكتورى،
- پوليسيا لەيتەنانتى بايمىرزا يسلام ەركىن ۇلى – تۇركسىب اۋداندىق پوليسيا باسقارماسىنىڭ ۋچاسكەلىك ينسپەكتورى،
- پوليسيا لەيتەنانتى تولەۋقۇل ولجاس سايات ۇلى – ناۋرىزباي اۋداندىق پوليسيا باسقارماسىنىڭ ۋچاسكەلىك ينسپەكتورى،
- پوليسيا لەيتەنانتى تاۋەكەلوۆ ءالتايىر باقىتجان ۇلى – پاترۋلدىك پوليسيا پولكىنىڭ ينسپەكتورى،
- پوليسيا لەيتەنانتى ورازقۇل ابىلاي سايات ۇلى – جەدەل ارەكەت ەتۋ ارنايى جاساعىنىڭ ينسپەكتورى،
- قاتارداعى پوليسيا ينسپەكتورى احمادييەۆ تيمۋر ازامات ۇلى – ايداۋىل قىزمەتى باتالونىنىڭ ينسپەكتورى.