بورانقۇل قوشماعانبەت ۇلىنىڭ دومبىراسى - مۋزەي ساحناسىندا.
الماتىدا مۋلتيمەديالىق ءداستۇرلى مۋزىكا ورتالىعىندا كۇيشى-كومپوزيتور بورانقۇل قوشماعانبەت ۇلىنىڭ 100- جىلدىعىنا ارنالعان «بورانقۇل قوشماعانبەت ۇلىنىڭ دومبىراسى مۋزەي ساحناسىندا» اتتى مۋزىكالىق كەشى ءوتتى، دەپ حابارلايدى اlmaty-akshamy.kz.
اتالمىش ءىس-شارادا، وڭتۇستىك قازاقستان، قاراتاۋ كۇيشىلىك مەكتەبىنە ۇلەس قوسقان كۇيشى بورانقۇل قوشماعانبەت ۇلىنىڭ دومبىراسىن قابىلداۋ ءراسىمى وتكىزىلدى.
كۇيشىنىڭ 100 جىلدىعىنا وراي «كەڭ جايلاۋ» اتتى كۇيلەر جيناعى كىتابىنىڭ تۇساۋى كەسىلەدى. اتالعان كىتاپتا كۇيشىنىڭ وتىز ەكى كۇيى نوتاعا ءتۇسىرىلىپ، ءار كۇيدىڭ الدىندا شىعۋ تاريحى جازىلعان. سونىمەن قاتار ورىنداۋ ەرەكشەلىگىن باستى نازارعا الا وتىرىپ، كۇيلەردى QR كود ارقىلى تىڭداۋعا مۇمكىندىك بار. بۇل كىتاپقا اۆتور «جەكەمە، باتىر، جەكەمە»، «ۇكىلىمايدىڭ اناسىن اڭساۋى»، «نەمەرە جۇبانىشى»، «ىقىلاس تۋرالى تولعاۋ»، « ەشكىلى تاۋدىڭ ەتەگى» سىندى كۇيلەردى تۇسىرگەن.
«بۇگىنگى كەش، بولاشاق ۇرپاعىمىزعا ۇلگى بولارى ءسوزسىز. قازاق كۇيلەرى الەمنىڭ نازارىن وزىنە اۋدارۋدا. وسى رەتتە، قازاق ونەرىنە ولشەۋسىز ۇلەس قوسقان تۇلعالارىمىزدى ارداقتاۋ ءبىزدىڭ باستى مىندەتىمىز»،– دەيدى «الماتى قالاسى مۋزەيلەر بىرلەستىگى» كمقك ديرەكتورى لياززات ساعىندىقوۆا.
بورانقۇل قوشماعانبەت ۇلى 1923 جىلى شۋ وڭىرىندە دۇنيەگە كەلگەن. 1944 جىلى جامبىلداعى پەداگوگيكالىق ۋچيليششەنى ءبىتىرىپ، 1944 جىلى تالاس اۋدانىندا ءمۇعالىم بولعان. 1952 جىلى شىمكەنت قالاسىنداعى مۇعالىمدەر ينستيتۋن بىتىرگەن. 1952 جىلى كپسس مۇشەسى بولعان. 1949 - 2006 جىلدار ارالىعىندا ءارتۇرلى مەكەمەلەردە قىزمەت اتقارعان.
