الماتى وبلىسىندا كولىك اپاتىنان بەس ادام مەرت بولدى

الماتى – كوكپەك – كوكتال تاسجولىنىڭ 196 شاقىرىمىندا جول-كولىك اپاتى بولدى.

الماتى–كوكپەك–كوكتال تاسجولىندا جول-كولىك اپاتى بولىپ، بەتپە-بەت سوقتىعىسۋ سالدارىنان بەس ادام مەرت بولدى، دەپ حابارلايدى اlmaty-akshamy.kz Polisia.kz Telegram-ارناسىنا سىلتەمە جاساپ.

پوليسيا اقپاراتى بويىنشا، 1 ساۋىردە 08:00 شاماسىندا Audi 100 اۆتوكولىگىن تىزگىندەگەن ۇيعىر اۋدانىنىڭ 43 جاستاعى تۇرعىنى الماتى – كوكپەك – كوكتال تاسجولىنىڭ 196 شاقىرىمىندا قارسى باعىتتاعى جولعا شىعىپ كەتىپ، 1964 جىلى تۋعان ب. ەسىمدى ازامات ايداپ كەلە جاتقان Audi س4 كولىگىمەن سوقتىعىسقان.

«كولىك اپاتى سالدارىنان Audi 100 جۇرگىزۋشىسى مەن كولىك ىشىندەگى 3 جولاۋشى، سونداي-اق Audi س4 كولىگىنىڭ جۇرگىزۋشىسى وقيعا ورنىندا مەرت بولدى. ءتۇرلى جاراقات العان ءتورت جولاۋشى شونجى اۋىلىنداعى اۋداندىق ورتالىق اۋرۋحاناعا جاتقىزىلدى»، - دەپ حابارلادى پوليسيا وكىلدەرى.

بۇل وقيعا ەڭبەكشىقازاق اۋدانى پوليسيا باسقارماسىنىڭ سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىندە ق ر قك 345-باپ، 4-تارماق بويىنشا تىركەلدى.

قاجەتتى ساراپتامالار تاعايىندالىپ، تەرگەۋ جۇمىسى ءجۇرىپ جاتىر.