الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ازاپتاۋدى قولدانعان ەكى پوليسيا قىزمەتكەرىنە قاتىستى ايىپتاۋ ۇكىمىن شىعاردى، دەپ حابارلايدى aqshamnews.kz.
قىلمىستىق ءىستى الماتى قالاسىنىڭ ارنايى پروكۋرورى تەرگەپ-تەكسەردى.
— 2023 جىلى 29 ناۋرىزدا كىنالى پوليسيا قىزمەتكەرلەرىنىڭ تۋىسىنىڭ پاتەرىنە جەتكىزىلگەن ازاماتقا قاتىستى وعان بوتەننىڭ مۇلكىن ۇرلاعانىن مويىنداتۋ ماقساتىندا ازاپتاۋلار قولدانىلعانى دالەلدەندى. پوليسيانىڭ زاڭعا قايشى ارەكەتتەرىنىڭ سالدارىنان جابىرلەنۋشىگە ءتان ازابى كەلتىرىلگەن. كىنانى مويىنداۋ تۋرالى پروسەستىك كەلىسىمىن ەسكەرە وتىرىپ، سوت ۇكىمىمەن سوتتالۋشىلارعا 3 جىل 6 اي مەرزىمگە شارتتى تۇردە باس بوستاندىعىنان ايىرۋ جازاسى تاعايىندالىپ، پروباسيالىق باقىلاۋ بەلگىلەندى. سوتتالعاندار ارناۋلى اتاقتارىنان جانە مەملەكەتتىك قىزمەتتە جۇمىس ىستەۋ قۇقىعىنان ايىرىلدى. ۇكىم زاڭدى كۇشىنە ەندى، — دەلىنگەن ۆەدومستۆو حابارلاماسىندا.
پروكۋراتۋرانىڭ ۇسىنۋى بويىنشا قاراماعىنداعىلاردىڭ قىزمەتىنە باقىلاۋدىڭ جوقتىعى جانە قىزمەتتىك مىندەتتەرىن تيىسىنشە ورىنداماعانى ءۇشىن 10 پوليسيا قىزمەتكەرى، ونىڭ ىشىندە 5 قۇرىلىمدىق بولىمشە باسشىسى تارتىپتىك جاۋاپتىلىققا تارتىلدى.