ۇرلانعان ميلليوندار مەن ميللياردتار: ءىىم ىزدەۋدە جۇرگەن قىلمىسكەرلەردى ۇستادى
الماتىدا كريمينالدىق پوليسيا قىزمەتكەرلەرى اسا ءىرى مولشەردە الاياقتىق جاساعانى ءۇشىن حالىقارالىق ىزدەۋدە جۇرگەن ەر ادامدى ۇستادى، دەپ حابارلايدى aqshamnews.kz 24.kz-كە سىلتەمە جاساپ.
2023 جىلدىڭ قاراشا ايىندا كاسىپكەرلىك قىزمەتتىڭ اتىن جامىلعان قاسكۇنەم جابىرلەنۋشىگە تەندەرگە قاتىسسا، جاقسى پايدا تاباتىنىن ۋادە ەتىپ، 76 ملن تەڭگەدەن استام قاراجات پەن Lexus 570 اۆتوكولىگىن يەمدەنىپ العان. ماڭعىستاۋ وبلىسىنىڭ "بەينەۋ" تەمىرجول ستانسياسىندا كورشى مەملەكەتتىڭ ازاماتى ۇستالدى. وتكەن جىلى ەر ادام اتىراۋدا توپپەن بىرگە بازار قويماسىنان 19 ملن تەڭگەگە تاۋار ۇرلاپ كەتكەن.
قاراعاندىدا مەملەكەتارالىق ىزدەۋدە جۇرگەن ادام ۇستالدى. قاسكوي شىمكەنتتەگى لومباردتاردىڭ ءبىرىنىڭ فيليالىنىڭ ديرەكتورى بولا تۇرا، ءوز سىبايلاستارىمەن بىرگە جشس-عا تيەسىلى 1 ملرد تەڭگە قاراجاتتى يەمدەنىپ، تالان-تاراجعا سالعان.
بارلىق كۇدىكتى ۋاقىتشا ۇستاۋ يزولياتورىنا قامالدى.