وڭىرلىك كوممۋنيكاسيالار قىزمەتىندە وتكەن بريفينگتە الماتى اكىمىنىڭ ورىنباسارى ءىلياس وسەروۆ قالا اكىمى باقىتجان ساعىنتايەۆتىڭ ەكونوميكا قۇرىلىمىن وزگەرتۋ جونىندەگى تاپسىرماسى قالاي جۇزەگە اسىرىلىپ جاتقانىن ايتتى، دەپ حابارلايدى اlmaty-akshamy.kz
ءىلياس وسەروۆتىڭ ايتۋىنشا، قۇرىلىمدىق مانيەۆر ءداستۇرلى ەكونوميكانىڭ تاۋەكەلدەرىن ازايتۋ جانە جوعارى بىلىكتى جۇمىسشىلار ءۇشىن جاڭا جوعارى جالاقى تولەنەتىن جۇمىس ورىندارىن قۇرۋ ماقساتىندا جۇزەگە اسىرىلادى.
بۇگىننىڭ وزىندە كرەاتيۆتى يندۋستريالار ەكونوميكا ۇلەسىنىڭ شامامەن 1،7%-ىن الادى. بۇل قىزمەتكەرلەر سانى 45 مىڭ ادام بولاتىن 17،8 مىڭ ۇيىم مەن جەكە كاسىپكەرلەر (بارلىق كاسىپورىنداردىڭ 8،8%). كورسەتىلگەن قىزمەتتەر كولەمى – 402،8 ملرد تەڭگە.
Almaty Creative Industries Forum – كرەاتيۆتى يندۋستريالار سالاسىنداعى العاشقى باستى وقيعا. فورۋم مەملەكەت، كرەاتيۆتى كاسىپكەرلەر جانە وسى سالانى دامىتۋعا مۇددەلى بارلىق تۇلعالار اراسىندا تاجىريبە الماسۋ جانە اشىق ديالوگ الاڭىنا اينالادى. ونى جۇرگىزۋگە 124 ملن تەڭگە ءبولىندى. سونداي-اق فورۋمعا حالىقارالىق سپيكەرلەردىڭ، كرەاتيۆتى سەكتور كاسىپقويلارىنىڭ قاتىسۋى جوسپارلانعان.
Almaty Creative Industries Forum اياسىندا وسى جىلدىڭ جەلتوقسان ايىندا كرەاتين بويىنشا چەمپيونات جانە اكسەلەراسيا باعدارلاماسى جوسپارلانعان. بۇل جوبالار مونەتيزاسيانىڭ جوعارى الەۋەتى بار بىرەگەي شىعارماشىلىق يدەيالاردى انىقتاۋعا جانە ولاردىڭ ومىرگە كەلۋىنە كومەكتەسەدى.
فورۋم ونلاين فورماتتا وتەدى، سوندىقتان وعان كەز كەلگەن ادام قاتىسا الادى.