بۇل تۋرالى الماتى قالاسى اكىمىنىڭ ورىنباسارى ءىلياس وسەروۆ وڭىرلىك كوممۋنيكاسيالار قىزمەتى الاڭىندا ايتتى، دەپ حابارلايدى اlmaty-akshamy.kz
ءىلياس وسەروۆتىڭ حابارلاۋىنشا، الماتىدا كۇنكورىس مينيمۋمى وتكەن جىلدىڭ جەلتوقسانىمەن سالىستىرعاندا 23،2 پايىزعا وسكەن. بۇگىندە ول 44 105 تەڭگەنى قۇرايدى.
ستاتيستيكالىق مالىمەتتەرگە سايكەس، الماتىدا تابىسى ەڭ تومەنگى كۇنكورىس دەڭگەيىنەن تومەن 87 مىڭنان استام ادام تۇرادى. ياعني، قالا حالقىنىڭ جالپى سانىنىڭ 4،4%-ى. ازاماتتاردىڭ وسى ساناتىنا ااك تولەۋ (2،6 ملرد ءبولىندى)، جۇمىسقا ورنالاسۋعا كومەك، بيزنەس جوبالاردى ىسكە اسىرۋ ءۇشىن گرانتتار بەرۋ (7،3 ملرد جىبەرىلدى) تۇرىندە جان-جاقتى قولداۋ كورسەتىلەدى.
- ەڭ تومەنگى كۇنكورىس دەڭگەيىنىڭ ەسەبىنە ازىق-تۇلىك تە، ازىق-تۇلىكتىك ەمەس تاۋارلار مەن قىزمەتتەرگە جۇمسالاتىن شىعىندار دا كىرەدى، - دەدى الماتى قالاسى اكىمىنىڭ ورىنباسارى.
ونىڭ ۇستىنە، مەملەكەت باسشىسىنىڭ سوڭعى جولداۋى بارىسىندا ەڭ تومەنگى جالاقى مولشەرى 2022 جىلدىڭ 1 قاڭتارىنان باستاپ 42 500-دەن 60 000 تەڭگەگە دەيىن ارتاتىنى ايتىلعان ەدى.