قالا اكىمىنىڭ ورىنباسارى ءىلياس وسەروۆ وڭىرلىك كوممۋنيكاسيالار قىزمەتىندە الماتىنىڭ تۋريستىك الەۋەتىن جارنامالاۋعا جانە باق-تى قارجىلىق قولداۋعا قارجى جۇمساۋ قاجەتتىلىگىن نەگىزدەدى، دەپ حابارلايدى اlmaty-akshamy.kz
سپيكەردىڭ ايتۋىنشا، الماتى تۋريستەردى تارتاتىن ورتالىق بولىپ قالا وتىرىپ، بيۋدجەت قاراجاتىن وسى سالانى، ونىڭ ىشىندە شەتەلدە ىلگەرىلەتۋگە جۇمسايدى. بۇل تەك شىعىندار عانا ەمەس، ەڭ الدىمەن، تۋريستىك اعىنداردى ۇلعايتۋعا ينۆەستيسيالار تارتۋ، ناتيجەسىندە قوناقۇيلەردە، مەيرامحانالاردا جانە ت. ب. جاڭا جۇمىس ورىندارىن قۇرۋ.
ونىڭ ايتۋىنشا، الەمنىڭ ەڭ ءىرى قالالارىنىڭ – دوحا، ينچحون، ماسكەۋ، ابۋ-دابي، دۋباي جانە گونكونگتىڭ اۋەجايلارىندا يميدجدىك بەينەروليكتەردى كورسەتۋ ءۇشىن 143 ملن تەڭگە ءبولىندى. كييەۆ جانە سانكت-پەتەربۋرگ اۋەجايلارى پويىزداردى برەندتەدى. سونداي-اق، ماسكەۋ، تاشكەنت جانە باكۋ مەتروپوليتەندەرىندە 114 ملن تەڭگەگە تاقىرىپتىق جارناما ورنالاستىرىلدى.
- جارناما ورنالاستىرىلعان ەلدەردە قىزىعۋشىلىق ايتارلىقتاي ءوستى. ول 8 ميلليونعا جۋىق ادامدى قامتىدى. كرمG1 زەرتتەۋ ناتيجەلەرى بويىنشا الماتىداعى ءاربىر تۋريست كەم دەگەندە 100 دوللار جۇمسايدى، قىستا بۇل سوما قىسقى تاۋ سپورتىنىڭ تانىمال بولۋىنا بايلانىستى ءالى دە ۇلعايۋى مۇمكىن. تيىسىنشە، بۇل - قالاعا جانە ونىڭ ەكونوميكاسىنا تارتىلعان ينۆەستيسيالار.
سپيكەر وسى جىلى الماتى تۋرالى يميدجدىك بەينەروليكتەردى جاساۋعا جانە ىلگەرىلەتۋگە 150 ملن تەڭگەدەن استام قاراجات بولىنگەنىن راستادى. ولاردى Eurosport 1/2، Discovery، Animal Planet Travel Channel، EMEA، Russia، Asia سياقتى حالىقارالىق تەلەارنالاردا كورسەتۋ جوسپارلانعان بولاتىن. ءبىراق كارانتيندىك شەكتەۋلەرگە جانە ەۋروپا ەلدەرىمەن رەيستەردىڭ جابىلۋىنا بايلانىستى بەينەروليكتەردىڭ جارناماسى توقتاتىلدى. بۇل قارجى قاراجاتى بيۋدجەتكە قايتارىلدى.
بيىل الماتى مەن وبلىستىڭ تۋريستىك الەۋەتىن كورسەتۋ ءۇشىن شەتەلدەن 33 بلوگەر شاقىرىلدى، ويتكەنى الەۋمەتتىك جەلىلەر بۇگىندە ەڭ ءتيىمدى جارناما الاڭدارىنىڭ ءبىرى بولىپ تابىلادى.
سونداي-اق، ءىلياس وسەروۆ مەملەكەتتىك تاپسىرىستىڭ ءمانىن ب ا ق ارقىلى ءتۇسىندىردى. 2021 جىلعا مەملەكەتتىك اقپاراتتىق تاپسىرىسقا بيۋدجەتتەن 3،7 ملرد تەڭگە ءبولىندى.
– بۇل جەرگىلىكتى بيلىك ورگاندارىنىڭ قىزمەتى تۋرالى اقپاراتتاندىرۋعا، بارلىق سالالار مەن سفەرلار بويىنشا ءوڭىردى دامىتۋعا باعىتتالعان جەرگىلىكتى جانە ورتالىق ورگاندار قابىلداعان شارالار تۋرالى حابارلاۋعا كەلىپ سايادى، - دەپ ءتۇسىندىردى ول. – بۇل ءۇشىن ءبىز تەك قالالىق ەمەس، تاۋەلسىز باق-تىڭ دا الەۋەتىن پايدالانامىز. ناتيجەسىندە حالىق قاجەتتى اقپاراتتى الادى.