ورتالىق ازياعا ساپارى بارىسىندا كرەاتيۆتى ەكونوميكا جونىندەگى جاھاندىق كەڭەستىڭ (Global Creative Economy Council) ساراپشىلارى قازاقستاندىق كرەاتيۆتى يندۋستريا وكىلدەرىمەن بىرنەشە كەزدەسۋ وتكىزىپ، ستراتەگيالىق سەسسيالار ۇيىمداستىردى، دەپ حابارلايدى aqshamnews.kz
28 قىركۇيەكتە "بارىبايەۆ 36" كەڭىستىگىندە بريتان كونسۋلدىعىنىڭ ۇيىمداستىرۋىمەن جانە Almaty Tourism Bureau قولداۋىمەن كرەاتيۆتى ەكونوميكا بويىنشا كونفەرەنسيا ءوتتى. 29 قىركۇيەكتە ماركوۆ كوشەسى، 44 مەكەنجايىنداعى Almaty Creative كرەاتيۆتى حابىندا حاب رەزيدەنتتەرىمەن كەزدەسۋ ۇيىمداستىرىلدى.
28 قىركۇيەكتەگى كونفەرەنسيا مەملەكەت، بيزنەس جانە كرەاتيۆتى يندۋستريا وكىلدەرىن بىرىكتىرىپ، تاجىريبە الماسۋ جانە ءوسۋدىڭ مۇمكىندىكتەرىن ىزدەستىرۋگە باعىتتالدى. 13 ەلدەن كەلگەن 15 حالىقارالىق ساراپشى ءوز زەرتتەۋلەرىن ۇسىنىپ، الەمنىڭ ءتۇرلى ايماقتارىندا، سونىڭ ىشىندە افريكا، ازيا جانە لاتىن امەريكاسىندا كرەاتيۆتى ەكونوميكانى دامىتۋدىڭ ءساتتى جۇزەگە اسقان مىسالدارىن اتاپ ءوتتى. كرەاتيۆتى يندۋسترياداعى جاڭا ۇردىستەر مەن ولاردى ەنگىزۋدىڭ تاجىريبەلىك جاعىنا باسا نازار اۋدارىلدى.
Kingston Creative كومپانياسىنىڭ نەگىزىن قالاۋشى ءارى اتقارۋشى ديرەكتورى اندرەا دەمپستەر چانگ كرەاتيۆتى كلاستەرلەردى ينتەگراسيالاۋدىڭ مادەني ءتۋريزمنىڭ دامۋىنا قالاي ىقپال ەتەتىنىن ءتۇسىندىردى. ول تۋريستەردى مادەني جانە شىعارماشىلىق باستامالار ارقىلى تارتۋدىڭ ماڭىزدىلىعىن اتاپ ءوتتى. كرەاتيۆتى ەكونوميكا جونىندەگى جاھاندىق كەڭەستىڭ مۇشەسى، يننوۆاسيالار جونىندەگى ساراپشى دجايرادج ماشرۋ كونفەرەنسيادا مادەنيەت پەن شىعارماشىلىق سالاسىن دامىتۋعا ارنالعان نەگىزگى قادامداردى ۇسىندى.
"ءبىزدىڭ الماتىعا ساپارىمىز شابىت بەردى. بولاشاقتا جەرگىلىكتى جانە جاھاندىق كرەاتيۆتى يندۋستريانى دامىتۋ ءۇشىن ۇلكەن الەۋەتتى كورىپ وتىرمىز"، – دەدى دجايرادج ماشرۋ.
ءوز كەزەگىندە Almaty Tourism Bureau باسشىسى كاميلا لۇقپانوۆا قازاقستاندا كرەاتيۆتى يندۋستريانى دامىتۋدىڭ ماڭىزدىلىعىن اتاپ ءوتىپ، ءتۋريزمدى ىلگەرىلەتۋدەگى جەرگىلىكتى كرەاتورلاردىڭ رولىنە توقتالدى. ونىڭ ايتۋىنشا، كرەاتيۆتى يندۋستريا ءتۋريزمنىڭ اجىراماس بولىگىنە اينالىپ، ايماقتىڭ ەكونوميكالىق تۇرعىدان ءوسۋى مەن مادەني الماسۋىنا ىقپال ەتۋدە.
29 قىركۇيەكتە حالىقارالىق ساراپشىلار Almaty Creative كرەاتيۆتى حابىنىڭ جۇمىسىمەن تانىسىپ، ونىڭ رەزيدەنتتەرىنە وزدەرىنىڭ حالىقارالىق تاجىريبەسىن ءبولىسىپ، كرەاتيۆتى ەكونوميكا سالاسىنداعى سوڭعى ۇردىستەردى تالقىلادى. حاب رەزيدەنتتەرى ءوز جوبالارىن ۇسىنىپ، يدەيالار الماسىپ، شەتەلدىك مەيمانداردىڭ پىكىرىن ءبىلدى.
ءىس-شارا وتكىزۋدەگى نەگىزگى ماقسات — حالىقارالىق بايلانىستى نىعايتۋ جانە الماتىنىڭ ورتالىق ازياداعى كرەاتيۆتى ەكونوميكانىڭ ورتالىعى رەتىندەگى مارتەبەسىن راستاۋ.