الماتىدا كرانداردى تەكسەرەتىن جۇمىس توبى قۇرىلدى

الماتى قالاسى بويىنشا 238 مۇنارالى كران بار، دەپ حابارلايدى اlmaty-akshamy.kz.

«الماتى قالاسى بويىنشا 238 مۇنارالى كران ەسەپكە قويىلعان، ونىڭ ىشىندە 219 مۇنارالى كران قۇرىلىس نىساندارىندا ورناتىلعان»،- دەپ حابارلادى قالالىق اكىمدىكتەن.

ەسكە سالايىق، 23 قاڭتار كۇنى «تاۋگۇل-1» شاعىناۋدانىنداعى قۇرىلىس الاڭىندا كران قۇلاپ، ءبىر ادام مەرت بولدى.

وقيعا ورنىندا قازا تاپقان 49 جاستاعى كران ماشينيسىنە قاتىستى قىلمىستىق ءىس قوزعالدى. سونىمەن قاتار، بارلىق كراندى تەكسەرەتىن جۇمىس توبى قۇرىلدى.

«قۇرىلىس الاڭىندا قازا تاپقان كران ءماشينيسى ب.س. ماينوۆتىڭ ولىمىنە قاتىستى جازاتايىم وقيعانى تەرگەۋ كوميسسياسى قۇرىلدى. قازىرگە تاڭدا كوميسسيانىڭ جۇمىسى جالعاسۋدا»،- دەپ اتاپ ءوتتى اكىمدىكتەگىلەر.

مۇنارالى كران - اۋىر جۇكتەردى ءقاۋىپتى بيىكتىككە كوتەرۋگە قابىلەتتى قوزعالمايتىن كران. كران - اۋىر سالماقتى جۇكتەردى ادامنىڭ بويى جەتپەيتىن ۇلكەن بيىككە كوتەرۋگە قابىلەتتى ماشينا.

جوبانىڭ سيپاتىنا بايلانىستى كراندار بەكىتىلگەن نەمەسە جىلجىمالى بولۋى مۇمكىن. بەكىتىلگەن كراندار، ولاردىڭ اتاۋى ايتىپ تۇرعانداي، جوبانى جۇزەگە اسىرۋ كەزەڭىندە ورنىندا قالادى جانە باسقا جەرگە اۋىسقانعا دەيىن بولشەكتەلۋى كەرەك. بەكىتىلگەن كرانداردىڭ كەڭ تاراعان تۇرلەرىنە مۇنارا كراندارى جانە اسپالى كراندار جاتادى.